விடாமுயற்சி பொங்கலுக்கு வெளியாகுமா? இன்னும் 7 நாள் படப்பிடிப்பு பேலன்ஸ்!

நடிகர் அஜித் குமார் - இயக்குநர் மகிழ் திருமேனி கூட்டணியில் உருவாகி இருக்கும் படம் தான் விடாமுயற்சி. அஜர்பைஜானில் நீண்ட நாட்களாக படப்பிடிப்பு நடைபெற்று வந்தது.    

லைகா நிறுவனம் தயாரித்து இருக்கும் இந்த படத்தில் அஜித்துடன், ஆரவ், அர்ஜூன், திரிஷா, ரெஜினா கசான்ட்ரா, நிகில் நாயர் போன்ற பல முக்கிய நடிகர்கள் நடித்துள்ளனர். அனிருத் இசையமைக்கிறார்.

இந்த படம் பற்றிய அறிவிப்பு எப்போது வெளியாகும் என்று ரசிகர்கள் நீண்ட நாட்களாக எதிர்பார்த்து காத்து கொண்டிருந்தனர். அவ்வப்போது படத்தில் இருந்து சில போஸ்டர்கள் மட்டுமே வெளியானது.

இந்த படத்திற்கு பிறகு தொடங்கப்பட்ட Good Bad Ugly படத்தின் படப்பிடிப்பும் கிட்டத்தட்ட முடிவடைந்துள்ளது. ஆனால் விடாமுயற்சி பற்றிய எந்த ஒரு அறிவிப்பும் வரவில்லை.

இந்நிலையில் கடந்த வாரம் திடீரென்று விடாமுயற்சியின் டீசர் வெளியானது. குறிப்பாக அதில் பொங்கல் வெளியீடு என்று சொல்லப்பட்டது. இதனால் ரசிகர்கள் மிகுந்த உற்சாகத்தில் இருந்தனர்.

ஆனால் விடாமுயற்சி படத்தில் இன்னும் 7 நாட்களுக்கான படப்பிடிப்பு பணிகள் மீதம் இருப்பதாக தகவல்கள் வெளியாகி உள்ளது. இதனால் படம் பொங்கலுக்கு வெளியாகுமா என்று ரசிகர்கள் குழப்பத்தில் உள்ளனர்.