சுகர் லெவலை கட்டுப்படுத்த சில எளிய குறிப்புகள்: கண்டிப்பா ஃபாலோ பண்ணுங்க

சர்க்கரையின் அதிகரிப்பு நோயாளியின் உணவைப் பொறுத்தது. அதிக கார்போஹைட்ரேட் உள்ள உணவை சாப்பிட்டால், அது இரத்த சர்க்கரையை மிக வேகமாக அதிகரிக்கிறது. உணவு உண்பதில் தாமதம் ஏற்பட்டால், சர்க்கரை அளவு குறையும். இதன் காரணமாக, சர்க்கரையின் அளவைப் பராமரிக்க சரியான நேரத்தில் உணவை உண்ணுங்கள்.

உடற்பயிற்சி, யோகா, நடைபயிற்சி, ஓடுதல் அல்லது இதுபோன்ற எந்த வேலை செய்தாலும் அது குளுக்கோஸ் அளவை பாதிக்கிறது. இதன் காரணமாக, சர்க்கரையின் அளவில் உடனடி அதிகரிப்போ குறைவோ இல்லாமல் கட்டுப்பாட்டில் இருக்கும். உடல் உழைப்பு இல்லாமலும், அதிக உணவு உட்கொள்ளலும் இருந்தால், சர்க்கரை அளவு மிக வேகமாக அதிகரிக்கும்.

சர்க்கரை நோயாளிகள் தினமும் தங்களுக்கான மாத்திரைகளை உட்கொள்ள வேண்டும். மருத்துவர் பரிந்துரைக்கும் சரியான நேரத்தில் மருந்தை உட்கொள்ள வேண்டும். இப்படி செய்வதன் மூலம், இரத்த சர்க்கரை அளவில் ஏற்படும் ஏற்ற இறக்கங்கள் குறைக்கப்படுகின்றன. நோயாளியும் நாள் முழுவதும் ஆரோக்கியமாக இருப்பார். 

தேவையற்ற மன அழுத்தத்தை எடுத்துக் கொண்டால், உடல் தேவையற்ற ஹார்மோன்களை வெளியிடுகிறது. இதன் காரணமாக இரத்தத்தில் சர்க்கரை அளவு அதிகரிக்கும் அபாயம் உள்ளது. எனவே நாள் முழுவதும் மன அழுத்தம் இல்லாமல் இருக்க முயற்சி செய்யுங்கள். இது இரத்த சர்க்கரை அளவை கட்டுக்குள் வைத்திருக்கும்.

ஒரு ஆரோக்கியமான நபர் 7 முதல் 8 மணி நேரம் தூங்க வேண்டும். தூக்கமின்மையால் கிளைசெமிக் அளவு அதிகரிக்கிறது. சர்க்கரை கட்டுப்பாட்டிற்கு கிளைசெமிக் அளவைக் கட்டுப்படுத்துவது மிகவும் முக்கியம்.