கிட்னி கல் பிரச்சனையா... ‘இந்த’ உணவுகளுக்கு நோ சொல்லுங்க!

பலர் சிறுநீரக கல் பிரச்சனையை எதிர்கொள்கின்றனர். அத்தகைய சூழ்நிலையில், அறுவை சிகிச்சை  என்பது அரிதாகவே நடத்தப்படுகிறது சிறுநீரகக் கல்லை இயற்கையான முறையில் அகற்றும் முயற்சியே பெரும்பாலான சமயங்களில் மேற்கொள்ளப்படுகிறது.  இப்படிப்பட்ட சூழ்நிலையில் நாம் உணவு விஷயத்தில் சற்று எச்சரிக்கையாக இருக்க வேண்டும். சிறுநீரக கல் பிரச்சனையை உணவின் மூலம் எப்படி கட்டுப்படுத்துவது என்பதை தெரிந்து கொள்வோம்.

கீரை, உருளைக்கிழங்கு, பீட்ரூட் மற்றும் கேரட் போன்ற காய்கறிகளிலும் ஆக்சலேட்டுகள் அதிகம். இவை சிறுநீரக பிரச்சனியை அதிகரிக்கும். அத்தகைய சூழ்நிலையில், உங்களுக்கு ஏற்கனவே சிறுநீரக கல் பிரச்சனை இருந்தால், அத்தகைய காய்கறிகளை சாப்பிட வேண்டாம்.

சிறுநீரக கல் இருந்தால் சில பழங்களை உட்கொள்வதையும் தவிர்க்க வேண்டும். இந்த பழங்களில் பேரீச்சம்பழம், ராஸ்பெர்ரி ஆகியவை அடங்கும். அதிக அளவு ஆக்சலேட் உள்ளதால், இது போன்ற பழங்களை உணவில் சேர்த்துக் கொள்வதால் சிறுநீரக கற்கள் உருவாகும் அபாயம் அதிகரிக்கிறது. மாறாக வாழைப்பழம், ஆப்பிள், செர்ரி போன்ற பழங்களை உணவில் சேர்த்துக்கொள்ளலாம்.

வைட்டமின் சி சப்ளிமெண்ட்ஸ் உங்கள் உடலில் வைட்டமின் சி குறைபாட்டை நீக்குகிறது. ஆனால் உடலில் அதன் அளவு அதிகமாக இருந்தால், அது உடலில் ஆக்சலேட்டாக மாறும். எனவே, உங்களுக்கு ஏற்கனவே சிறுநீரக கல் பிரச்சனை இருந்தால், உங்கள் உணவில் அதிக அளவு வைட்டமின் சி சேர்க்க வேண்டாம். 

அதிகப்படியான உப்பு சேர்த்த உணவுகளைத் தவிர்க்கவும். உணவில் சோடியம் அதிகம் உள்ள உணவை சேர்த்துக் கொள்வது சிறுநீரக கற்கள் மற்றும் சிறுநீரின் மூலம் அதிகப்படியான கால்சியம் ஏற்படும் அபாயத்தை அதிகரிக்கிறது. இத்தகைய சூழ்நிலையில், சிறுநீரக கற்கள் வருவதற்கான வாய்ப்புகள் அதிகரிக்கும். எனவே சிறுநீரக கல் பிரச்சனைகள் இருந்தால் அதிக உப்பு உள்ள சிப்ஸ், ஊறுகாய்  தின்பண்டங்கள் பொருட்களை சாப்பிட வேண்டாம்.

காஃபின் நமது உடலில் சிறுநீரை அதிக அளவில் வெளியேற்றி, நீரிழப்புக்கு வழிவகுக்கும். உடலில் தண்ணீர் சத்து குறைந்தால் சிறுநீரக கற்கள் உருவாகும் வாய்ப்புகள் அதிகம். அத்தகைய சூழ்நிலையில், உங்களுக்கு சிறுநீரக கல் பிரச்சனை இருந்தால், காஃபின் நிறைந்த உணவை குறைந்த அளவில் மட்டுமே உட்கொள்ளுங்கள்.

பொறுப்புத் துறப்பு: எங்கள் கட்டுரை தகவல்களை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும். ZEE NEWS இதற்கு பொறுப்பேற்காது.