வீட்டில் அதிகம் பல்லிகள் தொல்லை உள்ளதா? இந்த வழிகளை பின்பற்றுங்கள்!
பொதுவாக கோடைகாலம் துவங்கியவுடன் வீட்டில் பல்லிகள் தொல்லை ஆரம்பமாகிவிடும். கழிவறை சுவற்றில், சமையலறையில் என வீட்டில் பார்க்கும் இடம் எல்லாம் பல்லிகள் இருக்கும்.
பல்லிகள் நம்மை எதுவும் தொந்தரவு செய்யாது என்றாலும் அதனை பார்த்து சிலர் பயந்து ஓடுவதும் உண்டு. மேலும் பல்லிகளில் இருந்து வரும் சத்தமும் சிலருக்கு பிடிக்காது.
எனவே வீட்டில் இருந்து பல்லிகளை எப்படி விரட்டுவது என்பதை தெரிந்து கொள்ளுங்கள். இது மிகவும் பயனுள்ளதாக இருக்கும். பெரிய செலவில்லாமல் பல்லியை வீட்டிலிருந்து வெளியேற்றலாம்.
உங்கள் வீட்டிலிருந்து பல்லிகளை அகற்ற சில மசாலாப் பொருட்கள் மற்றும் இருந்தால் போதும். அவற்றின் உதவியுடன் பல்லிகளை விரட்ட முடியும்.
வெங்காயத்தை நறுக்கி அதனுடன் பூண்டு சேர்த்து இரண்டையும் மிக்ஸியில் அரைக்கவும். இதனை ஒரு பாத்திரத்தில் எடுத்து கொண்டு பேக்கிங் சோடா, மிளகு தூள் மற்றும் அரை எலுமிச்சை சாறு சேர்க்கவும்.
அதன்பிறகு, இதில் ஒன்று முதல் இரண்டு கப் தண்ணீர் சேர்த்து கொள்ளுங்கள். பிறகு இந்த தண்ணீரை ஸ்ப்ரே பாட்டிலில் எடுத்து கொண்டு வீட்டின் ஒவ்வொரு மூலையிலும் தெளிக்கவும்.
இந்த கலவையின் வாசனையில் பல்லிகள் வீட்டை விட்டு ஓடி விடும். இந்த இயற்கை வைத்தியத்தால் எந்த வித பிரச்சனையும் இருக்காது.