வக்ரமடையும் குரு... என்ன செய்தாலும் பணம் கையில் தங்காது... ‘இந்த’ ராசிகளுக்கு டிசம்பர் வரை நெருக்கடி!

குரு வக்ர பெயர்ச்சி 2023: தேவகுரு என அழைக்கப்படும் குரு பகவான் மேஷ ராசியில் 4 செப்டம்பர் 2023 அன்று மாலை 4:58 மணிக்கு வக்ர நிலையை அடையப் போகிறார்.  டிசம்பர் 31ம் தேதி வரை அவர் இதே நிலையில் நீடிப்பார். குருவின் வக்ர நிலை காரணமாக, சில ராசிக்காரர்கள் எதிர்பாராத நிதி மற்றும் பிற பிரச்சனைகளை சந்திக்க நேரிடும்.  பாதிக்கப்படும் ராசிகள் எவை என தெரிந்து கொள்ளலாம்.

ஜோதிடத்தின் படி, குருவின் வக்ர நிலை மேஷ ராசிக்காரர்களின் வாழ்க்கையில் பாதகமான விளைவுகளை ஏற்படுத்தும். இந்த நேரத்தில் அவர்கள் அதிர்ஷ்டத்தின் ஆதரவைப் பெற மாட்டார்கள். உடல்நலம் தொடர்பான பிரச்சனைகளை நீங்கள் சந்திக்க நேரிடலாம். இந்த நேரத்தில் உங்கள் செலவுகள் அதிகரிக்கலாம். நீங்கள் மிகவும் கவனமாக இருக்க வேண்டும். நிதி பட்ஜெட்டில் சிறப்பு கவனம் செலுத்துங்கள். புத்திசாலித்தனமாக பணத்தை செலவிடுங்கள்.

மேஷத்தில் குருவின் வக்ர நிலை ரிஷப ராசிக்காரர்களையும் பாதிக்கும். இந்த ராசிக்காரர்களுக்கு இந்த நேரம் சாதகமாக இருக்காது. நீங்கள் முதலீடு செய்தால், இந்த நேரத்தில் குறைந்த லாபம் கிடைக்கும் வாய்ப்பு உள்ளது. சுகபோகங்கள் குறையும். அத்தகைய சூழ்நிலையில், உங்களை வீழ்த்த நினைப்பவர்கள் மற்றும் எதிரிகளிடம் குறிப்பாக கவனமாக இருங்கள். இல்லற வாழ்வில் வரும் தவறுகளில் கவனம் செலுத்த இது நல்ல நேரம்.

ஜோதிடத்தின் படி, குருவின் வக்ர நிலை காரணமாக, சிம்ம ராசிக்காரர்களுக்கு சுவாசம் தொடர்பான பிரச்சினைகள் இருக்கலாம். குறுகிய அல்லது நீண்ட தூரம் பயணம் செய்வதில் சிரமங்களை சந்திக்க நேரிடும். துணையுடன் கருத்து வேறுபாடுகள் ஏற்படும். திருமண வாழ்வில் பிரச்சனைகள் வரலாம். அதிகப்படியான பணச் செலவுகளால் மனம் கலங்கிவிடும்.

டிசம்பர் 31 வரை, அதாவது அடுத்த 118 நாட்களுக்கு, கடக ராசிக்காரர்கள் தங்கள் வேலையில் சிக்கல்களைச் சந்திக்க நேரிடும். இது மட்டுமின்றி வேறு இடத்துக்கும் இடமாற்றம் செய்யப்படலாம். தொழில் வாழ்க்கையில் பிரச்சனைகள் வரலாம். தந்தையுடன் சில விஷயங்களில் கருத்து வேறுபாடுகள் வரலாம். தந்தையின் உடல்நிலையில் அக்கறை காட்டுங்கள். நீங்கள் சில நாள்பட்ட நோய்களால் பாதிக்கப்படலாம். நிதி நெருக்கடிகள் உங்கள் பிரச்சனையை அதிகரிக்கும்

தனுசு ராசிக்காரர்கள், குறிப்பாக தாயின் உடல் நலனில் கவனமாக இருக்க வேண்டும். குறிப்பாக இந்த ராசிக்காரர்களுக்கு இந்த காலம் மிகவும் சாதகமற்றதாக இருக்கும். நிதி விஷயத்தில் மிகவும் கவனமாக இருக்க வேண்டும். இந்த நேரத்தில் உங்கள் குடும்பத்தினருடன் மோதல் அல்லது வாக்குவாதத்தைத் தவிர்க்கவும். அவர்கள் மீதான பொறுப்பை புரிந்து கொள்வதன் மூலம் பிரச்சனைகளை குறைக்கலாம். ஒரு நபர் திருமண மற்றும் தனிப்பட்ட வாழ்க்கையிலும் பிரச்சனைகளை சந்திக்க நேரிடும்.

பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் உள்ளன. ZEE NEWS இதற்கு பொறுப்பேற்காது.