கொரோனாவில் இருந்து தற்காத்துக் கொள்ள சாப்பிட வேண்டிய உணவுகள்..!

கொரோனா வைரஸின் புதிய வேரியண்ட் இப்போது வேகமாக மீண்டும் பரவிக் கொண்டிருக்கிறது. குறிப்பாக வைட்டமின் டி குறைபாடு உடையவர்களுக்கு மற்றவர்களைக் காட்டிலும் 10 மடங்குக்கு மேல் கொரோனா தொற்று ஏற்படும் அபாயம் அதிகம் என ஆய்வுகள் கூறுகிறது.

வைட்டமின் டி குறைபாடு இருக்கும் நோயாளிகளிடம் கொரோனா பாதிப்பு அதிகம் இருந்ததாகவும், இஸ்ரேல் ஆய்வாளர்கள் தெரிவித்துள்ளனர். சூரிய ஒளி மூலம் கிடைக்கும் வைட்டமின் டி கொரோனாவை கட்டுப்படுத்துவதாக தெரிவித்துள்ளனர்.

வைட்டமின் டி குறைவாக இருக்கும்பட்சத்தில், அந்த வைட்டமின் அதிகமாக இருக்கும் உணவுகளை அன்றாட உணவுப் பட்டியலில் சேர்த்துக் கொள்ளலாம். 

மீன், முட்டையின் மஞ்சள் கரு, சிவப்பு இறைச்சி, பால், ஆரஞ்சு பழம், சூரிய ஒளியில் வளர்க்கப்பட்ட காளான் மற்றும் கீரைகளில் அதிகளவு வைட்டமின் டி உள்ளது. 

இதனை உங்கள் உணவில் சேர்த்துக் கொள்ள முற்படுங்கள். பொறித்த மற்றும் உடலுக்கு கேடான உணவுகளை எடுத்துக் கொள்ளாதீர்கள்.