Gold Silver price today: இப்போது தங்கத்தில் முதலீடு செய்தால் நல்ல லாபம் பார்க்கலாம்
கெடியா அட்வைசரி நிர்வாக இயக்குனர் அஜய் கெடியாவின் கூற்றுப்படி, இந்த ஆண்டு எம்.சி.எக்ஸ் தங்கம் ரூ .58,000 என்ற அளவை எட்டக்கூடும். புல்லியனைப் பொறுத்தவரை, ஆண்டின் முதல் பாதி மிக வேகமாக இருக்கும். ஆனால் இரண்டாவது பாதியில் இழுபறி இருக்கும். இந்த ஆண்டு ஜூன் மாதத்திற்குள் MCX தங்கம் 10 கிராமுக்கு 54,000 ரூபாயை எட்டும் என்று எதிர்பார்க்கப்படுகிறது. MCX-ல் வெள்ளி 2021 ஆம் ஆண்டில் ஒரு கிலோ ரூ .1 லட்சத்தைத் தொடும். ஜூன் மாதத்திற்குள் வெள்ளி ரூ .80,000 அளவை எட்டும் என்று எதிர்பார்க்கப்படுகிறது.
அடுத்த 6 மாதங்களுக்கு தங்கம் நடுநிலையில் வர்த்தகம் செய்யும் என்று டிரேட்புல் செக்யூரிடிசின் ஆய்வாளர் பாவிக் படேல் கூறுகிறார். MCX-ல் தங்கம் அடுத்த 6 மாதங்களில் 45000 ரூபாய் என்ற நிலைக்கு வரலாம். மீடியம் டர்மில் 45500 ரூபாய் நிலையில், முதலீடு செய்ய நல்ல வாய்ப்பு கிடைக்கும். ஷார்ட் டர்மில் இன்னும் சில சமயத்திற்கு தங்கத்தின் வீழ்ச்சி தொடரும்.
முன்னதாக டெல்லி புல்லியன் சந்தையில் தங்கம் ரூ .239 குறைந்து 10 கிராமுக்கு ரூ .45,568 ஆக இருந்தது. HDFC செக்யூரிட்டீஸ் படி, தங்கம் வியாழக்கிழமை 10 கிராமுக்கு ரூ .45,807 ஆக இருந்தது. வெள்ளியும் ஒரு கிலோவுக்கு ரூ .723 குறைந்து ரூ .67,370 ஆக இருந்தது. சர்வதேச சந்தையில், தங்கம் அவுன்ஸ் 1,774 டாலராகவும், வெள்ளி அவுன்ஸ் 26.94 டாலராகவும் இருந்தன.
வர்த்தகர்கள் குறைந்த தேவையின் காரணமாக தங்கள் விலைகளை குறைத்தனர். இதன் காரணமாக தங்கம் வெள்ளிக்கிழமை வர்த்தகத்தில் 10 கிராமுக்கு 0.27 சதவீதம் குறைந்து ரூ .46,000 ஆக குறைந்துள்ளது. மல்டி கமாடிட்டி எக்ஸ்சேஞ்சில், ஏப்ரல் மாதத்தில் வழங்கப்பட்ட தங்க ஃப்யூச்சர்சின் விலை ரூ .126 அதாவது 0.27 சதவீதம் குறைந்து 10 கிராமுக்கு 46,000 ரூபாயாக குறைந்தது. சர்வதேச சந்தையில், நியூயார்க்கில், தங்கம் 0.24 சதவீதம் குறைந்து ஒரு அவுன்ஸ் 1,770.70 டாலராக இருந்தது.
வர்த்தகர்கள் குறைந்த தேவையின் காரணமாக தங்கள் விலைகளை குறைத்தனர். இதன் காரணமாக வெள்ளி வெள்ளிக்கிழமை வர்த்தகத்தில் 586 ரூபாய் குறைந்து ஒரு கிலோ 67,908 ரூபாயாக குறைந்தது. MCX-ல், மார்ச் மாதத்தின் டெலிவரி வெள்ளி ரூ .586 அதாவது 0.86 சதவீதம் குறைந்து ஒரு கிலோ ரூ .67,908 ஆக குறைந்தது. உலகளவில், வெள்ளி 0.62 சதவீதம் குறைந்து நியூயார்க்கில் ஒரு அவுன்ஸ் 26.96 டாலராக இருந்தது.