சனி வக்ர நிவர்த்தி: தீபாவளிக்கு பின் இந்த ராசிகளுக்கு பொற்காலம்... ராஜவாழ்க்கை வாழ்வார்கள்

மனிதர்கள் செய்யும் செயல்களுக்கு ஏற்ப பலன்களை அளிக்கும் சனி பகவான் நீதியின் கடவுள் என அழைக்கபப்டுகிறார். இவர் தற்போது தனது சொந்த ராசியான கும்பத்தில் வக்ர நிலையில் உள்ளார். நவம்பர் 15 ஆம் தேதி சனி வக்ர நிவர்த்தி அடைவார்.

தீபாவளிக்கு பிறகு நடக்கவுள்ள சனி வக்ர நிவர்த்தியின் தாக்கம் அனைத்து ராசிகளிலும் காணப்படும். எனினும், சில ராசிகளில் இதனால் அபரிமிதமான நற்பலன்கள் கிடைக்கும். இவர்கள் மகிழ்ச்சி மழையில் நனைவார்கள். அந்த அதிர்ஷ்ட ராசிகளை பற்றி இந்த பதிவில் காணலாம்.

மேஷம்: மேஷ ராசிக்காரர்களுக்கு தொழில் ரீதியாக இது நல்ல காலமாக இருக்கும். சனி பகவானின் அருளால் வணிகர்களுக்கு லாபம் அதிகரிக்கும். சமூகத்தில் மரியாதையும் மதிப்பும் அதிகரிக்கும். குடும்ப உறவுகள் வலுவாக இருக்கும். பெற்றோர்களின் ஆசியுடன் காரியம் நிறைவேறும். நீண்ட நாட்களாக நடக்காமல் நிலுவையில் உள்ள பணிகளில் இப்போது வெற்றி கிடைக்கும்.

கடகம்: வியாபாரத்தில் ஈடுபட்டுள்ள கடக ராசிக்காரர்களுக்கு சனி வக்ர நிவர்த்தி சாதகமான பலன்களை அளிக்கும். முதலீடு செய்ய நினைப்பவர்களுக்கு இது சாதகமான காலமாக இருக்கும். எதிர்காலத்தில் நல்ல லாபம் கிடைக்கும். உத்தியோகத்தில் புதிய வாய்ப்புகளைப் பெறுவீர்கள். பணியிடத்தில் முன்னேற்றத்திற்கான வழிகள் திறக்கப்படும். சக ஊழியர்கள் மற்றும் மூத்த அதிகாரிகளின் முழு ஆதரவையும் பெறுவீர்கள்.

கன்னி: கன்னி ராசிக்காரர்களின் பொருளாதார நிலை வலுவாக இருக்கும். கடன்களை முழுமையாக இப்பொது திருப்பிச் செலுத்தி விடுவீர்கள். உடல் ஆரோக்கியம் நன்றாக இருக்கும். குழந்தைகள் மூலம் நல்ல செய்திகள் கிடைக்கும். குடும்பத்தில் மகிழ்ச்சியும் அமைதியும் இருக்கும். நீதிமன்றம் தொடர்பான விஷயங்களில் வெற்றி பெறுவீர்கள். மன உளைச்சல் நீங்கி நேர்மறையாக இருக்கும்.

மகரம்: மகர ராசிக்காரர்களின் வாழ்க்கையில் நீண்ட நாட்களாக இருந்து வந்த பிரச்சனைகள் நீங்கும். சனி பெயர்ச்சியின் தாக்கத்தால் புதிய வேலை தேடுபவர்களுக்கு விரும்பிய வேலை வாய்ப்பு கிடைக்கும். பொருளாதார நிலையிலும் முன்னேற்றம் ஏற்படும். திருமண வாழ்க்கையில் ஏற்பட்ட பிரச்சனைகளில் இருந்து விடுபடுவீர்கள். வாழ்க்கைத் துணையுடன் உறவு வலுப்பெறலாம்.

கும்பம்: கும்ப ராசிக்காரர்களுக்கு சனி வக்ர நிவர்த்தி சாதகமாக இருக்கும். வியாபாரிகளின் பொருளாதார நிலை மேம்படும். உழைக்கும் மக்களின் பிரச்சனைகள் தீர்க்கப்படும். நீங்கள் ஒரு புதிய தொழிலைத் தொடங்க நினைத்தால், அதற்கு இது நல்ல நேரமாக இருக்கும். இப்போது முதலீடு செய்யலாம். அதம் மூலம் எதிர்காலத்தில் நல்ல பலன்கள் கிடைக்கும். பணியிடத்தில் முன்னேற்றத்திற்கான கதவுகள் திறக்கப்படும்.

மீனம்: மீன ராசிக்காரர்களுக்கு சனி வக்ர நிவர்த்தி லாபகரமானதாக இருக்கும். கடினமாக உழைத்து இலக்குகளை அடைவதில் வெற்றி பெறுவார்கள். தனியார் வேலையில் இருப்பவர்களுக்கு பதவி உயர்வும், ஊதிய உயர்வும் கிடைக்கும். அரசு வேலையில் இருப்பவர்களுக்கு ஊதிய உயர்வுடன் இடமாற்றம் கிடைக்கும். உடல் ஆரோக்கியம் மேம்படும்.

சனி பகவானின் அருள் பெற ஏழை எளியவர்களுக்கு உதவுவது நல்லது. சனி பகவானின் அருள் பெற சனி சாலிசா, ஹனுமான் சாலிசா, கோளாறு பதிகம் ஆகியவற்றையும் பாராயணம் செய்யலாம். சனிக்கிழமைகளின் சனி பகவானின் கோவிலுக்கு சென்று வணங்குவது விசேஷம்.

பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.