எலுமிச்சம் பழத்தை நீண்ட நாட்கள் கெட்டு போகாமல் வைத்திருப்பது எப்படி?
உடல் சூட்டை தணிக்க எலுமிச்சை பழம் உதவுகிறது. எனவே வெயில் காலத்தில் பலரது வீடுகளிலும் எலுமிச்சை பழம் வாங்கி வைப்பது வழக்கம்.
எலிமிச்சையில் அமிலத்தன்மை அதிகம் இருப்பதால், அவற்றை சரியான வெப்பநிலையில் சேமித்து வைப்பது மிகவும் அவசியம். இல்லையென்றால் எலுமிச்சை விரைவில் கெட்டுவிடும்.
நீண்ட நாட்கள் எலுமிச்சை பழம் கெட்டுப்போகாமல் இருக்க அவற்றை வாங்கும் போதே சிறிது காயாக பார்த்து வாங்குங்கள். பழுத்த பழங்கள் சீக்கிரம் கெட்டுவிடும்.
எலுமிச்சைகளை நீண்ட நாட்கள் சேமிக்க பிளாஸ்டிக் கவர்களில் நன்கு கட்டி, அவற்றை காற்று புகாத டப்பாவில் குளிர்சாதன பெட்டியில் வைக்கவும்.
எலுமிச்சம்பழத்தை கெட்டுப்போகாமல் சேமித்து வைக்க அதில் சிறிது எண்ணெய் தடவி, நல்ல டப்பாவில் போட்டு குளிர்சாதன பெட்டியில் வைக்கவும்.
எலுமிச்சைகளை நீண்ட சேமிக்க ஜிப்-லாக் பைகளை பயன்படுத்தலாம். எலுமிச்சம்பழத்தை அதில் வைத்திருப்பதன் மூலம் கெட்டு போகாமல் இருக்கும்.
அலுமினியத் தாளில் எலுமிச்சைப் பழங்களைச் சுற்றி வைத்தால் அதில் இருக்கும் ஈரப்பதம் வெளியில் செல்வது தடுக்கப்படும். இதன் மூலம் நீண்ட நாட்கள் கெடாமல் இருக்கும்.