EPFO கணக்கில் ஒரே நிமிடத்தில் நாமினியை மாற்றுவது எப்படி? ரொம்ப சிம்பிள்!!!
ஆன்லைனில் வீட்டில் இருந்தபடியே ஈ-நாமினேஷனை பூர்த்தி செய்து வருங்கால வைப்பு நிதி (பிராவொடெண்ட் ஃபண்ட்), ஓய்வூதியம் (இபிஎஸ்-ஓய்வூதியம்) மற்றும் EDLI இன்சூரன்ஸ் திட்டத்தில் தங்களுடைய வாரிசுதாரரை, இபிஎஃப் கணக்கு வைத்திருப்பவர்கள் நியமிக்கலாம்.
ஓய்வூதியம் மற்றும் கணக்கு வைத்திருப்பவர் இறந்துவிட்டால் அவரது வாரிசுகள் தங்கள் குடும்பத்தினரின் பணத்தை பெற நாமினேஷன் அவசியம் ஆகும். வீட்டில் இருந்தபடியே ஈ-நாமினேஷனை தாக்கல் செய்யவதற்கு, டிஜிட்டல் இந்தியா திட்டத்தின் கீழ் வசதி செய்யப்பட்டுள்ளது
ஈ-நாமினேஷன் தாக்கல் செய்ய எளிய வழிகள்
www.unifiedportal-mem-epfindia.gov.in என்ற உறுப்பினர் இ-சேவா போர்டலுக்குச் சென்று, UAN மற்றும் கடவுச்சொல்லைப் பயன்படுத்தி உள்நுழையவும்
'மேனேஜ் செக்ஷன்' என்ற பகுதிக்குச் சென்று 'ஈ-நாமினேஷன்' என்ற தெரிவை கிளிக் செய்யவும்
நாமினி பெயர் மற்றும் தகவல்களை உள்ளிட்ட பிறகு அடுத்த பக்கத்தில், E-Sign ஐ கிளிக் செய்து, ஆதார் மூலம் OTP ஐ உருவாக்கவும்.
நியமன விவரங்கள் ஒன்றுக்கு மேற்பட்ட குடும்ப உறுப்பினர்களை நாமினியாக நியமிக்கலாம். ஒன்றுக்கு மேற்பட்டவர்களை நாமினியாக நியமித்தால், ஒவ்வொருக்குமான சதவிகிதத்தையும் குறிப்பிடவும்.
டிஜிட்டல் கையொப்பம்/இ-கையொப்பம் ஆதார் அடிப்படையிலான மின் கையொப்பத்தைப் பயன்படுத்தி நியமனத்தை அங்கீகரிக்கவும்.
தற்போது ஓடிபி எண் உள்ளிட வேண்டும். ஆதாருடன் இணைக்கப்பட்டுள்ள உங்கள் மொபைலுக்கு OTP வரும்
மின் கையொப்பம் சரிபார்க்கப்பட்டதும், உங்கள் இ-நாமினேஷன் வெற்றிகரமாக EPFO இல் பதிவு செய்யப்படும்.