சத்தமே இல்லாமல் மிகப்பெரிய சாதனையை செய்துள்ள கேஎல் ராகுல்!

இந்திய அணியின் விக்கெட் கீப்பர்/பேட்டர் கேஎல் ராகுல் கடைசியாக இங்கிலாந்துக்கு எதிரான டெஸ்ட் தொடரில் விளையாடினார். அந்த தொடரில் பாதியில் விலகிய ராகுல் சமீபத்தில் சென்னையில் பங்களாதேஷுக்கு எதிரான தொடக்க ஆட்டத்தில் விளையாடினார்.

கேஎல் ராகுல் முதல் இன்னிங்ஸில் 16 ரன்களுக்கும், இரண்டாவது இன்னிங்ஸில் 22 ரன்களும் அடித்து இருந்தார். இந்த ரன்களை அடித்ததன் மூலம் சர்வதேச கிரிக்கெட்டில் 8000 ரன்களை கடந்துள்ளார்.

இந்தியா - பங்களாதேஷ் டெஸ்ட் தொடர் தொடங்குவதற்கு முன்பு 7978 ரன்கள் அடித்து இருந்தார். 3வது நாளில் இரண்டாவது இன்னிங்ஸில் 6 ரன்கள் அடித்த போது ராகுல் 8000 ரன்களை கடந்தார்.

இதற்கு முன்பு இந்த பட்டியலில் சச்சின் டெண்டுல்கர் 34357 ரன்களும், அவருக்கு அடுத்தபடியாக விராட் கோலி 26965 ரன்கள் அடித்துள்ளனர். ராகுல் டிராவிட் 24064 ரன்களும், ரோகித் சர்மா 19245 ரன்களும், சவுரவ் கங்குலி 18433 ரன்களும் அடித்துள்ளனர். 

கேஎல் ராகுல் இதுவரை 51 டெஸ்ட் போட்டிகளில் விளையாடி 34.12 சராசரியில் 2901 ரன்கள் அடித்துள்ளார். இதில் 8 சதங்கள் மற்றும் 14 அரை சதங்கள் அடங்கும். இதற்கு முன்பு சிறிது நாட்கள் கேர்கள் ராகுல் டெஸ்ட் அணியின் துணை கேப்டனாக இருந்துள்ளார்.

மேலும், 77 ஒருநாள் போட்டிகளில் 2851 ரன்களும்,  72 டி20 போட்டிகளில் 2265 ரன்களும் அடித்துள்ளார். அறிமுக ஒருநாள் போட்டியில் சதம் அடித்த ஒரே இந்தியர் இவர்தான்.