பிரச்சனையை முடித்த இஷான் கிஷன்! மீண்டும் அணியில் தேர்வாக உள்ளார்!

விக்கெட் கீப்பர்-பேட்டர் இஷான் கிஷன் 2023ம் ஆண்டுக்கு பிறகு தேசிய அணியில் இடம் பெறவில்லை. இந்நிலையில் மீண்டும் அணியில் இடம் பெற கடுமையான பயிற்சிகளை மேற்கொண்டார்.

கடந்த மாதம் புச்சி பாபு தொடரில் சதம் மற்றும் துலீப் டிராபியில் சிறப்பாக விளையாடியதால் பங்களாதேஷுக்கு எதிரான டி20 தொடரில் இடம் பெறுவதற்கான வாய்ப்புகளை அதிகப்படுத்தி உள்ளது.

கடைசியாக தென்னாப்பிரிக்கா சுற்றுப்பயணத்தில் இடம் பெற்ற இஷான், அந்த தொடரில் இருந்து விலகினார். பின்னர் பிசிசிஐயின் மத்திய ஒப்பந்தப் பட்டியலில் இருந்தும் நீக்கப்பட்டார்.

அக்டோபர் 6 முதல் 12ம் தேதி வரை நடைபெறும் டி20 தொடரில் ரிஷப் பந்திற்கு ஓய்வு வழங்கப்பட உள்ளது. இதனால் விக்கெட் கீப்பராக இஷான் கிஷன் அல்லது சஞ்சு சாம்சன் இடம் பெறலாம்.

இந்த டி20 தொடரில் சிறப்பாக செயல்படும் பட்சத்தில், அடுத்த மாதம் நடைபெறும் நியூசிலாந்திற்கு எதிரான டெஸ்ட் தொடரில் இடம்பிடிக்க நல்ல வாய்ப்பாக அமையும்.

ஒருவேளை துருவ் ஜூரெலை பிசிசிஐ அணியில் தேர்வு செய்தால், வங்காளதேச டி20 தொடரில் இடம் பெற சஞ்சு சாம்சன் மற்றும் இஷான் கிஷனுக்கு இடையே போட்டி இருக்கும்.