அமரன் படத்தை பாராட்டாத தனுஷ்..லக்கி பாஸ்கர் படத்தை பாராட்டினாரா?

சிவகார்த்திகேயன், கடந்த 10 வருடங்களில் சினிமாவில் அசுர வளர்ச்சி அடைந்திருக்கிறார். இவரது திரை வளர்ச்சிக்கு அடித்தளமாக இருந்தது, 3, மெரினா மற்றும் எதிர்நீச்சல் படம். சிவகார்த்திகேயன் சினிமாவில் பெரிய நிலைக்கு வர காரணமாக இருந்தவர், தனுஷ். ஆனால், இவர்கள் இருவரும் இப்போது பேசிக்கொள்வதில்லை என கூறப்படுகிறது. 

தீபாவளியை முன்னிட்டு, அமரன், பிரதர், லக்கி பாஸ்கர், ப்ளடி பெக்கர் என 4 படங்கள் வெளியானது. இதில், அமரன் படம் தமிழகத்தில் பெரும் வெற்றியை பெற்றிருக்கிறது. இந்த படத்தை, தமிழ் பிரபலங்கள் அனைவரும் பாராட்டியிருக்கின்றனர். 

அமரன் திரைப்படம், வெளியான 3 நாட்களில் 100 கோடிக்கு மேல் வசூலித்திருக்கிறது. பலரும் இதற்கு வரவேற்பு கொடுக்க, சில பிரபலங்கள் இது குறித்து பேசாமல் இருக்கிறது. 

தனுஷ், கடந்த ஆண்டு வெங்கி அட்லூரி இயக்கத்தில் வாத்தி படத்தில் நடித்தார். தற்போது அவர் இயக்கத்தில்தான் லக்கி பாஸ்கர் படம் வெளியாகியிருக்கிறது. 

வாத்தி படம் தமிழ் ரசிகர்களிடமும் தெலுங்கு ரசிகர்களுடமும் நல்ல வரவேற்பை பெற்றது. 

வெங்கி அட்லூரி இயக்கத்தில் இவர் ஏற்கனவே நடித்திருப்பதால், அவர் இயக்கத்தில் தற்போது வெளியான லக்கி பாஸ்கர் படத்தை இவர் பாராட்டியிருப்பதாக கூறப்படுகிறது. 

லக்கி பாஸ்கர் படத்தில், துல்கர் சல்மான் ஹீரோவாக நடிக்க, அவருக்கு ஜோடியாக மீனாட்சி சௌத்ரி நடித்திருக்கிறார். 

இன்னும் சிவகார்த்திகேயனின் அமரன் படத்தை தனுஷ் பார்க்காமல் இருப்பதால் அவர் அதை பாராட்டாமல் இருந்திருக்கலாம் என கூறப்படுகிறது.