குரு பெயர்ச்சி பலன் 2024: சித்திரை முதல் இந்த ராசிகளுக்கு ஜாக்பாட், பொற்காலம்

மேஷம் : குரு பகவான் உங்கள் ஜென்ம ராசியில் இருந்து விலகி இரண்டாம் வீட்டில் குடியேறுகிறார், இது தன, குடும்ப வாக்கு ஸ்தானமாகும். எனவே சொன்ன சொல்லைக் காப்பாற்றுவீர்கள். பேச்சுக்கு மரியாதை கிடைக்கும்.  பண வருமானம் கூடும். கடன் தொல்லை தீரும். உத்தியோகத்தில் பதிவி உயர்வு கிடைக்கும். புதிய தொழிலை தொடங்கலாம். திருமணம் சிறப்பாக நடைபெறும்.

ரிஷபம் : உங்கள் ராசியில் குரு பெயர்ச்சி அடையப் போவதால் நன்மையான பலனையே நீங்கள் பெறுவீர்கள். வீடு நிலம் வாங்கும் யோகம் உண்டாகும். திருமணம் கைகூடி வரும். குழந்தைகளால் நல்ல செய்தி வரும். கூட்டு தொழில் லாபம் கிடைக்கும். வெளிநாடு வேலைக்காக முயற்சி செய்பவர்களுக்கு வெற்றி கிடைக்கும். 

மிதுனம் : குரு பெயர்ச்சியால் மிதுன ராசிக்காரர்களுக்கு விபரீத ராஜயோகத்தை தரப்போகிறார். சொந்த வீடு வாங்குவீரகள். கடன் தொல்லையில் இருந்து நிவர்த்தி கிடைக்கும். கணவன் மனைவி இடையே மகிழ்ச்சி இருக்கும். குடும்பத்தில் குதூகலம் உண்டாகும்.

கடகம்: மே 1ஆம் தேதி நடக்கப் போகும் குரு பெயர்ச்சியால் கடக ராசிக்கு நினைத்தது எல்லாம் நிறைவேறும். வாழ்க்கையில் வெற்றி மீது வெற்றி கிடைக்கும். தொட்டதெல்லாம் பொன்னாகும். வீட்டில் திருமணம் கைகூடி வரும். தொழில் மற்றும் வியாபாரத்தில் லாபத்தை வாரி வழங்குவார் குரு பகவான்.

சிம்மம் : குரு பெயர்ச்சிக்கு பிறகு சிம்ம ராசிக்கு மகிழ்ச்சியும் உற்சாகமும் அதிகரிக்கும். பண வரவு வரும். திருமணம் நடைபெறும். கோடி கோடியாக செல்வம் தேடி வரப்போகிறது. எதிரிகள் தொல்லையில் இருந்து விடுப்படுவீர்கள். புதிய தொழில் தொடங்குவீர்கள். 

கன்னி : கன்னி ராசிக்காரர்களுக்கு பாக்கிய ஸ்தானத்தில் குரு பயணம் செய்யப்போகிறார். இதனால் உங்களுக்கு யோகம் தேடி வரப்போகிறது. செல்வாக்கு அதிகரிக்கும். புகழும் கீர்த்தியும் அதிகரிக்கும். கடனாக கொடுத்த பணம் வீடு தேடி தானாகவே வரும். உங்களின் அளவில்லா வெற்றியைக் கண்டு பலரும் ஆச்சரியப்படுவார்கள்.

பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.