குரு வக்ர நிவர்த்தி: பிப்ரவரி 4 முதல் இந்த ராசிகளுக்கு நல்ல காலம் ஆரம்பம், வெற்றியின் உச்சம் தொடுவார்கள்

Tue, 28 Jan 2025-9:54 am,
Guru Peyarchi

சுப கிரகமான குரு பகவான் பல வித நற்பலன்களை அளிக்கும் கிரகமாக கருதப்படுகிறார். மகிழ்ச்சி, செல்வம், கல்வி, திருமண வாழ்க்கை, வேலை, வியாபாரம், குழந்தைகள், லாபம், செழுமை, ஆற்றல் ஆகியவற்றின் காரணி கிரகமாக அவர் உள்ளார். ஒருவரது ஜாதகத்தில் குரு நல்ல இடத்தில் இருந்தால், அவர் வாழ்வில் அனைத்து விதமான வெற்றிகளையும் பெறுகிறார்.

Guru Peyarchi Palangal

குரு பகவான் இந்த ஆண்டு மே மாதம் மிதுன ராசியில் பெயர்ச்சி ஆகவுள்ளார். குரு பெயர்ச்சி இந்த ஆண்டின் மிகப்பெரிய ஜோதிட நிகழ்வாக பார்க்கப்படுகின்றது. அதற்கு முன்னதாக, அவர் பிப்ரவரி மாதம் 4 ஆம் தேதி ரிஷப ராசியில் வக்ர நிவர்த்தி அடைகிறார்.

Guru Vakra Nivarthi

குரு வக்ர நிவர்த்தி மற்றும் குரு பெயர்ச்சியின் தாக்கம் அனைத்து ராசிகளிலும் காணப்படும். எனினும், சில ராசிகளில் இதனால் அதிகப்படியான நன்மைகள் ஏற்படும். இவர்கள் வாழ்வில் மகிழ்ச்சி அதிகரிக்கும். லாபம் இரட்டிப்பாகும். பல வித வெற்றிகளை பெறுவார்கள். அந்த அதிர்ஷ்ட ராசிகளை பற்றி இந்த பதிவில் காணலாம்.

மேஷம்: மேஷ ராசிக்காரர்களுக்கு குரு வக்ர நிவர்த்தி அனுகூலமான பலன்களை அளிக்கும். அலுவலக பணிகளில் வெற்றி கிடைக்கும். உடல் ஆரோக்கியம் நன்றாக இருக்கும். போட்டித் தேர்வுகளில் வெற்றி பெறுவீர்கள். குடும்பத்தில் சுப நிகழ்ச்சிகள் நடக்கும். வாழ்க்கையில் அமைதியும், மகிழ்ச்சியும் இருக்கும். மாணவர்கள் போட்டித் தேர்வுகளில் வெற்றி பெறுவார்கள். வருமானமும் அதிகரிக்கும். முதலீட்டில் லாபம் இருக்கும்.

ரிஷபம்: ரிஷப ராசிக்காரர்களுக்கு நேரம் நன்றாக இருக்கும். குரு பெயர்ச்சி மற்றும் குரு வக்ர நிவர்த்தியின் தாக்கத்தால், சமூகத்தில் மதிப்பும் மரியாதையும் அதிகரிக்கும். முன்னேற்றத்திற்கான புதிய வாய்ப்புகள் உள்ளன. ஆன்மீக பணிகளில் ஈடுபடுவீர்கள். சமூகப் பணிகள் மூலம் ஒரு புதிய அடையாளம் உருவாகும். பண வரவு அதிகரித்து நிதி நிலைமை வலுவடையும். மன அழுத்தம் இல்லாமல் இருக்கும்.

கன்னி: கன்னி ராசிக்காரர்களுக்கு, குரு வக்ர நிவர்த்தி ஒரு வரப்பிரசாதமாக இருக்கும். குடும்பத்தில் மகிழ்ச்சியும் அமைதியும் நிலவும். ஆன்மீக பயணத்தை மேற்கொள்ள வாய்ப்புள்ளது. உடல் ஆரோக்கியம் நன்றாக இருக்கும். குழந்தைகள் மூலம் நல்ல செய்திகள் கிடைக்கும். செல்வம் மற்றும் செழிப்பு அதிகரிக்கும் வாய்ப்புகள் உள்ளன. அதிர்ஷ்டம் உங்கள் பக்கம் இருக்கும்.

துலாம்: துலாம் ராசிக்காரர்களுகு குரு வக்ர நிவர்த்தி மற்றும் குரு பெயர்ச்சி இரண்டும் சுபமான விளைவுகளை அளிக்கும். குழந்தைகளால் நன்மை ஏற்படும். உங்கள் நிதி நிலையை மேம்படுத்தக்கூடிய செல்வம் அதிகரிக்கும் வாய்ப்புகள் இருக்கும். உறவுகளில் இனிமை அதிகரிக்கும். சமூகத்தில் உங்கள் மதிப்பும் மரியாதையும் அதிகரிக்கும். வீடு, வாகனம் வாங்கும் யோகம் உண்டாகும். வேலையில் இருப்பவர்களுக்கு பதவி உயர்வு கிடைக்க வாய்ப்புள்ளது. வியாபாரிகள் வியாபாரத்தில் லாபம் அடைவார்கள்.

விருச்சிகம்: விருச்சிக ராசிக்காரர்களுக்கு, குரு வக்ர நிவர்த்தி சுபமானதாக இருக்கும். நல்ல பலன்கள் கிடைக்கும். அலுவலக பணிகளில் உள்ளவர்களுக்கு ஊதிய உயர்வும் பதவி உயர்வும் கிடைக்கும். சமூகத்தில் மதிப்பும் மரியாதையும் அதிகரிக்கும். இந்த நேரம் திருமணமாகாதவர்களுக்கு திருமணம் நிச்சயம் ஆகும். திருமண வாழ்க்கை மகிழ்ச்சியாக இருக்கும்.

கும்பம்: கும்ப ராசிக்காரர்களுக்கு குரு வக்ர நிவர்த்தி நன்மை பயக்கும். குருவின் மாற்றத்தால் சாதகமான பலன்கள் ஏற்படும். மனம் மகிழ்ச்சியாக இருக்கும். நீங்கள் செய்ய விரும்பும் அனைத்து பணிகளும் வெற்றிகரமாக நடந்து முடியும். நிதி நிலைமை முன்பை விட மேம்படும். தன்னம்பிக்கை அதிகரிக்கும். படைப்பாற்றல்ல் உக்க பணிகளில் ஈடுபடுவீர்கள்.

குரு பகவானின் அருள் பெற, 'குரு பிரம்மா குரு விஷ்ணு, குரு தேவோ மகேஸ்வர; குரு சாஷாத் பரப்பிரம்மா, தஸ்மை ஸ்ரீகுருவே நமஹ' என்ற ஸ்லோகத்தையும் 'குரவே சர்வ லோகானாம், பீஷஜே பவரோகினாம்; நிதயே சர்வ வித்யானாம், தக்ஷிணாமூர்த்தயே நமஹ' என்ற ஸ்லோகத்தை தினமும் பாராயணம் செய்யலாம்.

பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்தூள்ளன. ஜீ மீடியா இந்த தகவல்களை உறுதிப்படுத்தவில்லை.

ZEENEWS TRENDING STORIES

By continuing to use the site, you agree to the use of cookies. You can find out more by Tapping this link