புத்தாண்டு ராசிபலன்: 2025 -இன் அதிர்ஷ்ட ராசிகள் இவைதான்... சனி, குரு அருளால் ராஜயோகம்

அனைத்து கிரகங்களும் தங்கள் ராசி மற்றும் இயக்கங்களை அவ்வப்போது மாற்றுகின்றன. இவற்றின் தாக்கம் அனைத்து ராசிகளிலும் தெரிகின்றன. 2025 ஆம் ஆண்டு இன்னும் சில நாட்களில் தொடங்கவுள்ளது. இந்த ஆண்டும் ஜோதிட ரீதியாக மிக முக்கியமானதாக பார்க்கப்படுகின்றது.

2025 ஆம் ஆண்டின் மிக முக்கியமான பெயர்ச்சியாக பார்க்கப்படுவது மார்ச் மாதம் நடக்கவுள்ள சனி பெயர்ச்சி. மார்ச் 2025 இல் சனி பகவான் தற்போது இருக்கும் கும்ப ராசியிலிருந்து விலகி மீன ராசியில் பெயர்ச்சி ஆவார். இது இந்த ஆண்டின் மிகப்பெரிய ஜோதிட நிகழ்வாக பார்க்கப்படுகின்றது.

தற்போது குரு பகவான் ரிஷப ராசியில் வக்ர நிலையில் உள்ளார். அவர் 2025 பிப்ரவரி மாதம் வக்ர நிரவ்த்தி அடைவார். அதன் பிறகு மே மாதம் அவர் மிதுன ராசியில் பெயர்ச்சி ஆகவுள்ளார். மே மாத குரு பெயர்ச்சியும் 2025 ஆம் ஆண்டின் முக்கிய ஜோதிட நிகழ்வாக பார்க்கப்படுகின்றது. 

2025 ஆம் ஆண்டு நடக்கவுள்ள் சனி பெயர்ச்சி, குரு பெயர்ச்சி மற்றும் பிற கிரக நிலைகளின் தாக்கம் அனைத்து ராசிக்காரர்களின் வாழ்விலும் இருக்கும். எனினும், சில ராசிகளுக்கு இது ஒரு பொற்காலமாய் இருக்கும். வாழ்வின் அனைத்து அம்சங்களிலும் முன்னேற்றம் இருக்கும். அந்த அதிர்ஷ்ட ராசிகளை பற்றி இந்த பதிவில் காணலாம்.

மேஷம்:  மேஷம்: மேஷ ராசிக்காரர்களுக்கு 2025 புத்தாண்டு மிகவும் மங்களகரமானதாக இருக்கும். சனி பெயர்ச்சி மற்றும் குரு வக்ர நிவர்த்தியின் தாகத்தால் மேஷ ராசிக்காரர்களின் நிதி நிலை முன்னேறும். தங்கள் தொழிலில் விரிவாக்கம் காண்பார்கள். இத்துடன் புதிய தொழில் வாய்ப்புகளும் அமையும். நல்ல லாபம் கிடைக்கலாம். தொழில் ரீதியாக 2025 ஆம் ஆண்டு மிகவும் அற்புதமாக இருக்கும். வேலை தேடி அங்கும் இங்கும் அலைந்து கொண்டிருப்பவர்களுக்கு நல்ல வேலை கிடைக்கும். அதிர்ஷ்டம் உங்கள் பக்கம் இருக்கும். அனைத்து பணிகளிலும் குடும்ப உறுப்பினர்களின் ஆதரவு இருக்கும். திருமணம் ஆனவர்களின் திருமண வாழ்வில் இனிமை இருக்கும். சமூகத்தில் மரியாதை கூடும்.

ரிஷபம்: ரிஷப ராசிக்காரர்களுக்கு 2025 புத்தாண்டின் தொடக்கம் ஆக்கப்பூர்வமாக இருக்கும். ஆண்டின் தொடக்கத்தில் நல்ல பலன்கள் கிடைக்கும். நிதி நிலைமை நன்றாக இருக்கும். தொழிலில் முன்னேற்றம் ஏற்படும். புத்தாண்டு உங்களுக்கு பல விதமான மகிழ்ச்சியான நிகழ்வுகளை தரவுள்ளது. குழந்தைகள் மூலம் நல்ல செய்திகள் கிடைக்கும். குடும்பத்தில் அமைதியும், மகிழ்ச்சியும் நிலவும். உடல் ஆரோக்கியம் நன்றாக இருக்கும்.

சிம்மம்: 2025 ஆம் ஆண்டு சிம்ம ராசிக்காரர்களுக்கு ஒரு வரப்பிரசாதமாக இருக்கும். இந்த காலகட்டத்தில் சிம்ம ராசிக்காரர்களுக்கு பொருள் வசதிகள் விரிவடையும். நிதி நெருக்கடியில் இருந்து விடுபடலாம். வியாபாரம் செய்பவர்கள் அதிக லாபம் பெறலாம். புதிய தொழில் தொடங்க வாய்ப்பு கிடைக்கும். குடும்பத்தில் சுப நிகழ்ச்சிகள் நடக்கும். பதவி உயர்வு மற்றும் வருமானம் அதிகரிப்பதற்கான வாய்ப்புகளும் இருக்கும். வருமானம் அதிகரிப்பதால் மனம் மகிழ்ச்சியாக இருக்கும். 

துலாம்: 2025 ஆம் ஆண்டு குரு மற்றும் சனியின் சஞ்சாரத்தில் ஏற்படும் மாற்றத்தால், துலாம் ராசிக்காரர்கள் நல்ல பணப் பலன்களைப் பெறக்கூடும். இந்தக் காலத்தில் இரு கிரகங்களின் சிறப்பு அருளும் துலா ராசிக்காரர்களுக்கு கிடைக்கும். அதிர்ஷ்டத்தின் முழுமையான ஆதரவைப் பெறுவார்கள். திடீரென்று பண வரவு அதிகமாகும். அலுவலக பணிகளில் உள்ளவர்களுக்கு பதவி உயர்வும் ஊதிய உயர்வும் கிடைக்கும். வியாபாரத்தில் லாபம் கிடைக்கும். 

மகரம்: மகர ராசிக்காரர்களுக்கு சனி பெயர்ச்சி மற்றும் குரு பெயர்ச்சியின் தாக்கம் ஆக்கப்பூர்வமானதாக இருக்கும். குரு அருளால் மகர ராசிக்காரர்கள் தங்கள் வாழ்க்கையில் மகிழ்ச்சியைப் பெறத் தொடங்குவார்கள். வியாபாரத்தில் இருந்து வரும் பிரச்சனைகளில் இருந்து விடுபட வாய்ப்பு கிடைக்கும். நிலுவையில் உள்ள பணிகள் முடிவடையும். ஆடம்பர வாழ்க்கை அமையும். பொருள் வசதிகள் பெருகும். வாழ்வின் அனைத்து வசதிகளையும் பெறலாம்.

பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.