புத்தாண்டில் வாழ்க்கையை அமோகமாக தொடங்க போகும் ‘சில’ ராசிகள்!

ஜோதிட சாஸ்திரத்தின் படி, 2023 ஆம் ஆண்டு மேஷ ராசிக்காரர்களுக்கு மிகவும் பயனுள்ளதாக இருக்கும். இந்த ஆண்டு வேலையில், தொழிலில் சாதகமான பலன்களைப் பெறுவார்கள். ஆண்டின் தொடக்கத்தில் உங்கள் தொழிலில் முன்னேற்றம் காண்பீர்கள். உத்தியோகத்தில் இருந்து வந்த பிரச்சனைகள் விலகும். இதுமட்டுமின்றி அலுவலகத்தில் மூத்த அதிகாரிகளின் ஆதரவும் கிடைக்கும். புதிய ஆண்டில் வேலைச் செயல்பாடுகள் சிறப்பாக இருக்கும் மற்றும் பதவி உயர்வுக்கான வாய்ப்பு உள்ளது. பதவியுடன் சம்பளமும் அதிகரிக்கும்.

வரும் ஆண்டில், இந்த ராசிக்காரர்கள் தங்கள் தகுதியை நிரூபிக்க முடியும். ஜனவரி மாதத்தில் இடமாற்றம் கிடைக்க வாய்ப்பு உள்ளது. நீண்ட நாட்களாக வேலை தேடிக் கொண்டிருந்தவர்களுக்கு புத்தாண்டில் நல்ல வேலை கிடைக்கும். 2022 ஆம் ஆண்டு கடின உழைப்பின் பலனை 2023 ஆம் ஆண்டில் பெறுவீர்கள். அதே சமயம் சிலருக்கு துறை ரீதியான மாற்றங்களையும் இடமாற்றங்களையும் சந்திக்க நேரிடும். 2023 ஆம் ஆண்டில், உங்கள் வேலையில், தொழிலில் நல்ல முன்னேற்றம் காண முடியும்.

ஜனவரிக்கு பிறகு மிதுன ராசிக்காரர்களுக்கு நல்ல பலன்கள் கிடைக்கும். சனியின் தசையில் முன்னேற்றம் ஏற்படுவதால், உங்கள் நேரமும் நன்றாகவே இருக்கும். வரும் வருடம் உங்கள் வாழ்வில் நல்ல மாற்றங்களை கொண்டு வரும். நீண்ட நாட்களாக வேலை தேடிக் கொண்டிருந்தவர்களுக்கு புத்தாண்டில் நிம்மதி கிடைக்கும். அதே நேரத்தில், இடமாற்றத்திற்காக காத்திருக்கும் நபர்களும் புத்தாண்டில் விரும்பிய இடத்திற்கு மாற்றப்படலாம். தொழிலில் வெற்றி உண்டாகும்.

ஜோதிட சாஸ்திரப்படி, சிம்ம ராசிக்காரர்கள் வருடத் தொடக்கத்தில் வேலையில் தொழிலில் நல்ல உயரத்தை எட்டுவார்கள். 2023ல் எவ்வளவு கடினமாக உழைக்கிறீர்களோ, அந்தளவுக்கு பலன் கிடைக்கும். வரும் ஆண்டில் பதவி உயர்வுக்கான வாய்ப்புகள் உள்ளன. ஜனவரி மாதம் ஏழாம் வீட்டில் சனிபகவான் வருவதால் தொழிலில் முன்னேற்றம் ஏற்பட வாய்ப்புள்ளது. வரவிருக்கும் புத்தாண்டு உங்கள் தொழிலுக்கு நல்லதாக இருக்கும்.

2023ஆம் ஆண்டு புத்தாண்டில் துலாம் ராசிக்காரர்கள் தங்கள் வேலையில், தொழிலில் புதிய பயணத்தை தொடங்குவார்கள். எந்தெந்த பகுதிகளில்  பலவீனமாக உணர்கிறார்களோ, 2023-ல் அதைச் சிறப்பாகச் செய்ய முயற்சிப்பார்கள். அதில் அவர்களுக்கு வெற்றியும் கிடைக்கும். ஆண்டின் தொடக்கத்தில், தொழிலில் பெரிய மாற்றம் ஏற்படும். இந்த வேலை மாற்றம் உங்களுக்கு நல்லதாக இருக்கும். வேலை தேடுபவர்களுக்கும் இந்த நேரத்தில் புதிய வேலை கிடைக்கும். அரசுப் பணியில் இருப்பவர்கள் தங்களுக்கு பிடித்த இடத்துக்கு இடமாற்றம் பெறலாம். 

(பொறுப்பு துறப்பு: இங்கே கொடுக்கப்பட்டுள்ள தகவல் பொதுவான அனுமானங்கள் மற்றும் தகவல்களின் அடிப்படையில் அமைந்துள்ளது. ZEE NEWS இதற்கு பொறுப்பேற்காது.)