FASTag குறித்த உங்கள் 10 முக்கிய கேள்விகளுக்கு பதிலளித்தது NHAI

கேள்வி 1 - Fastag கட்டணத்தில் ஏதாவது தள்ளுபடி கிடைக்குமா?

பதில்- Fastag மூலம் டோல் பிளாசாவில் பணம் செலுத்தும் ஒவ்வொரு வாடிக்கையாளருக்கும் 10% கேஷ்பேக் கிடைக்கிறது. இந்த கேஷ்பேக் தொகை ஒரு வாரத்திற்குள் அவர்களின் Fastag கணக்கில் சேர்க்கப்படும்.

கேள்வி 2 – ஒவ்வொரு வாகனத்திற்கும் வெவ்வேறு Fastag எடுக்க வேண்டியது அவசியமா?

பதில்- ஆம், ஒவ்வொரு வாகனத்திற்கும் வெவ்வேறு Fastag எடுக்க வேண்டும்.

கேள்வி 3- ஒரு வாகனத்தின் Fastag-ஐ மற்றொரு வாகனத்தில் பயன்படுத்த முடியுமா?

பதில்- இல்லை, ஒவ்வொரு வாகனத்திற்கும் KYC ஆவணங்களை சமர்ப்பித்த பிறகு FASTag வழங்கப்படுகிறது. ஒரு Fastag ஒரு காருக்காக வாங்கப்பட்டு ஒரு டிரக்கில் பயன்படுத்தப்பட்டதாக வைத்துக்கொள்வோம், பின்னர் அத்தகைய Fastag தடுப்புப்பட்டியலில் சேர்க்கப்படும். பயனர்கள் இப்படி எல்லாம் செய்ய வேண்டாம் என்று அறிவுறுத்தப்படுகிறார்கள்.

கேள்வி 4- எனது Fastag நான் இழந்து விட்டால், அதில் உள்ள கணக்கு இருப்புக்கு என்ன ஆகும்?  

பதில்- நீங்கள் விரைவாக Fastag வழங்கும் நிறுவனத்தின் கஸ்டமர் கேரை அழைத்து அதைத் பிளாக் செய்ய வேண்டும். பின்னர், நீங்கள் ஒரு புதிய கணக்கை உருவாக்கும்போது, ​​நிறுவனம் உங்கள் நிலுவைத் தொகையை புதிய கணக்கிற்கு மாற்றும். அதாவது உங்கள் தொகை பாதுகாப்பாக இருக்கும்.

கேள்வி 5- எனது கணக்கிலிருந்து சரியான பணம் கழிக்கப்பட்டுள்ளதா என்று எனக்கு எப்படித் தெரியும்?

பதில்- உங்கள் Fastag கணக்கிலிருந்து பணம் கழிக்கப்படும் போதெல்லாம், உங்கள் மொபைலில் ஒரு எஸ்எம்எஸ் வரும். இது தவிர, எந்த சுங்கசாவடியில் என்ன கட்டணம் என்பதைக் காட்டும் ஒரு டிஸ்ப்ளே வைக்கப்படுகிறது. அதில் கட்டணம் குறித்த முழுமையான தகவல்கள் கிடைக்கின்றன.  

கேள்வி 6- நான் ஒரு சுங்கச்சாவடியிலிருந்து 10 கி.மீ தூரத்திற்குள் வசிக்கிறேன். நான் Fastag எடுக்க வேண்டுமா?

பதில்- ஆம், நீங்களும் FASTag ஐ எடுக்க வேண்டும். நீங்கள் FASTag பாதையைப் பயன்படுத்த வேண்டும் என்றாலும், கேஷ்பேக் பெற விரும்பினாலும் கண்டிப்பாக FASTag எடுக்க வேண்டும்.

கேள்வி 7- நான் வேறு நகரத்திற்கு மாறினால் என்ன செய்வது?

பதில்- Fastag நாடு முழுவதும் அனைத்து சுங்கச்சாவடிகளிலும் இயங்கும். நீங்கள் நகரத்தை மாற்றும்போது, ​​ Fastag வழங்கும் நிறுவனத்தின் வாடிக்கையாளர் சேவையை அழைத்து உங்கள் முகவரியைப் புதுப்பிக்க வேண்டும்.

கேள்வி 8- ஒரு காரில் ஒன்றுக்கு மேற்பட்ட ஃபாஸ்டேக்கைப் பயன்படுத்த முடியுமா?

பதில் - இதை நீங்கள் செய்ய முடியாது. அப்படி செய்வது முற்றிலும் தடைசெய்யப்பட்டுள்ளது. ஒரு வாகனத்தில் ஒன்றுக்கு மேற்பட்ட FASTag பயன்படுத்தப்பட்டால், பயனர்கள் சிக்கல்களை சந்திக்க நேரிடும்.

கேள்வி 9- நான் எனது காரை விற்றால் அல்லது மாற்றினால் என்ன செய்வது?

பதில்- நீங்கள் உங்கள் காரை விற்றிருந்தால் அல்லது அதை வேறு ஒருவர் பெயருக்கு அதை மாற்றினால், Fastag வழங்கும் நிறுவனத்திற்கு அதை தெரிவிக்க வேண்டும்.

கேள்வி 10- தேசிய நெடுஞ்சாலை தவிர வேறு எங்கும் ஃபாஸ்டேக் பயன்படுத்த முடியுமா?

பதில்: Fastag பயன்பாட்டை மாநில நெடுஞ்சாலைக்கும் நீட்டிக்க திட்டம் உள்ளது. மேலும் பார்க்கிங் கட்டணங்கள் மற்றும் பிற சாலையோர வசதிகளுக்கான பயன்பாட்டை Fastag மூலம் அதிகரிப்பது குறித்தும் பரிசீலிக்கப்பட்டு வருகின்றது.