முகப்பரு பிரச்சனையா? உடனடியாக நீங்கி சருமத்தை பாதுகாக்க ஈஸியான 5 வழிகள்!

முகத்தை நன்கு க்ளென்ஸ் செய்வது அவசியம், முகத்தை அழுத்தி தேய்த்து கழுவாமல் நல்ல க்ளென்சர் கொண்டு லேசாக மசாஜ் செய்து கழுவ வேண்டும். வெள்ளரிக்காய், கிரீன் டீ போன்ற பொருட்கள் கலந்த அதிகம் எரிச்சலை உண்டாக்காத க்ளென்சர்களை பயன்படுத்த வேண்டும்.

சோற்றுக்கற்றாழை ஜெல் முகப்பருவை நீக்கி முகத்தை பளபளப்பாக்கும் ஒரு சிறந்த இயற்கையான பொருள். குறைந்தது ஒருநாளைக்கு இரண்டு முறை இந்த சோற்றுக்கற்றாழை ஜெல்லை முகத்திற்கு பயன்படுத்தி வர முகப்பரு காணாமல் போய்விடும்.

டீ ட்ரீ ஆயில் முக பொலிவிற்கும், பருக்களை நீக்குவதற்கும் உதவுதாக பல ஆய்வுகள் கூறுகின்றன, இதனை தினமும் பயன்படுத்தலாம். சிலருக்கு நேரடியாக இதனை பயன்படுத்துவதால் ஒவ்வாமை ஏற்படலாம் அதனால் மருத்துவரின் ஆலோசனைப்படி பயன்படுத்தலாம்.

3-4 நிமிடங்களுக்கு முகத்தில் ஐஸ் கட்டிகளை வைத்து லேசாக மசாஜ் செய்வது நன்மையளிக்கும். நேரடியாக முகத்தில் தேய்க்காமல் ஒரு சுத்தமான துணியில் ஐஸ் கட்டிகளை வைத்து முகத்தில் தேய்க்க பருக்கள் மறைந்துவிடும்.

பருக்களை தடுப்பதில் முக்கியமான ஒன்று இரவு படுக்கும் முன் உங்கள் மேக்கப்புகளை முழுவதுமாக அகற்றுவது. மேக்கப்புக்கு பயன்படுத்தும் ப்ரஷ், ஸ்பாஞ்ச் போன்றவற்றையும் சுத்தமாக வைத்திருங்கள்.