தமிழகத்திற்கு முன் மற்ற மாநிலங்களில் வெளியாகும் ஜெயிலர்? சோகத்தில் ரசிகர்கள்!

ஜெய்லர் ட்ரெய்லர் "ஜெயிலர் ஷோகேஸ்" என்று கூறப்படும் ட்ரைலர் ஆகஸ்ட் 2-ம் தேதி இன்று வெளியாக உள்ளது. பொதுவாக டாப் ஹீரோக்களின் படங்களில் அதிகாலை 5 மணி காட்சிகள் இருக்கும். 

ஆனால் தமிழக அரசின் புதிய கொள்கைப்படி திரையரங்குகள் காலை 9 மணிக்கு மட்டுமே தொடங்கும். மறுபுறம், கேரளா மற்றும் கர்நாடகா ஆகிய இரு மாநிலங்களிலும் காலை 6 மணிக்கு தொடங்கும், அமெரிக்காவிலும் நேரத்துடன் ஒத்துப்போகும். 

இந்த செய்தி வெளியானதில் இருந்து தலைவரின் ரசிகர்கள் அண்டை மாநிலங்கள் மற்றும் வெளிநாடுகளை விட நேரம் தாமதமாக படத்தை பார்க்க வேண்டிய நிலைக்கு தள்ளப்பட்டுள்ளதாக சமூக வலைதளங்களில் தங்களது ஏமாற்றத்தை வெளிப்படுத்தி வருகின்றனர். 

இந்த நிலையில் ‘ஜெயிலர்’ படம் வெளிவர இன்னும் ஒரு வாரத்துக்கு மேல் உள்ள நிலையில், தமிழகத்தில் அதிகாலை திரையிட அனுமதி கிடைக்குமா? என்பது மில்லியன் டாலர் கேள்வி.

'ஜெயிலர்' படத்தை நெல்சன் இயக்க, அனிருத் இசையமைக்க, சன் பிக்சர்ஸ் தயாரித்துள்ளது. இப்படத்தில் ரஜினிகாந்த், சிவராஜ்குமார், மோகன்லால், தமன்னா, ரம்யா கிருஷ்ணன், சுனில், ஜாக்கி ஷெராப், வசந்த் ரவி, விநாயகன், யோகி பாபு, ரெடின் கிங்ஸ்லி மற்றும் பலர் நடித்துள்ளனர்.