100 மீட்டர் சிக்சர் அடித்தது எப்படி? ரிங்கு சிங் சொன்ன சீக்ரெட்

இந்தியா - ஆஸ்திரேலியா அணிகளுக்கு இடையிலான 4வது இருபது ஓவர் போட்டியில் ரிங்கு சிங் 100 மீட்டர் சிக்சர் அடித்து பிரம்மிக்க வைத்தார். 

கடைசி கட்டத்தில் அவர் அதிரடியாக விளையாடி 46 ரன்கள் எடுத்தே இந்திய அணி வலுவான நிலைக்கு செல்ல மிக முக்கியமான காரணமாக அமைந்தது

29 பந்துகளை மட்டுமே எதிர்கொண்ட ரிங்கு சிங் 46 ரன்கள் குவித்ததார். இதில் 4 பவுண்டரி மற்றும் 2 சிக்சர்கள் அடங்கும்.

அவற்றில் ஒன்று 100 மீட்டர் தொலைக்கு சென்று மெகா சிக்சராக அமைந்தது.

இது குறித்து வெற்றிக்குப் பிறகு பேசும்போது ரிங்கு சிங் சுவாரஸ்யமான தகவல் ஒன்றை பகிர்ந்து கொண்டார். 

ஜிதேஷ் ஷர்மா கேட்ட கேள்விக்கு பதில் அளித்த ரிங்கு சிங், தினமும் ஜிம் செல்கிறேன், அங்கு பளு தூக்கி பயிற்சி எடுக்கிறேன். சிறந்த டையட்டும் கடைபிடிக்கிறேன் என்பதால் இவ்வளவு தூரம் சிக்சர் அடிக்க முடிந்தது என ஜாலியாக தெரிவித்தார்.