20 வருடங்களுக்கு பிறகு மீண்டும் விஜய் படத்தில் இணையும் நடிகை?

அனிருத் இசையில் த்ரிஷா, சஞ்சய் தத் உள்ளிட்ட பலர் நடித்துள்ள லியோ படம் அக்டோபர் 19ஆம் தேதி உலகம் முழுவதும் வெளியாகிறது. இதற்கிடையில், இயக்குனர் வெங்கட் பிரபு தனது அடுத்த படமான 'தளபதி 68' படத்திற்கான ப்ரீ புரொடக்ஷன் வேலைகளில் பரபரப்பாக ஈடுபட்டுள்ளார். 

ஏஜிஎஸ் புரொடக்‌ஷன்ஸ் தயாரிக்கும் இப்படத்திற்கு யுவன் ஷங்கர் ராஜா இசையமைக்கிறார். ஜோதிகாவை கதாநாயகியாக நடிக்க வைக்க வி.பி ஆர்வமாக இருப்பதாக சில மாதங்களுக்கு முன்பு தகவல் வெளியானது.

படக்குழு  நடிகை ஜோதிகாவை அணுகி அக்டோபர் மற்றும் நவம்பர் மாதங்களில் தேதிகளைக் கேட்டதாக இப்போது திரைப்பட வட்டாரங்கள் கூறுகின்றன.

ஒப்பந்தம் நிறைவேறினால், 'குஷி', 'திருமலை' ஆகிய சூப்பர் ஹிட் படங்களில் ஜோடியாக நடித்த விஜய் மற்றும் ஜோதிகா 20 ஆண்டுகளுக்குப் பிறகு மீண்டும் திரையில் இணைவார்கள். 

அட்லீயும் 'மெர்சல்' படத்தில் விஜய்க்கு ஜோடியாக ஜோதிகாவை அணுகினார், ஆனால் பின்னர் நித்யா மேனனை நடிக்க வைத்தார் என்பது குறிப்பிடத்தக்கது. இந்த முறை எப்படி இருக்கும் என்பதை பொறுத்திருந்து பார்ப்போம்.