உலகின் மிக குள்ளமான பெண்ணை ஒருகையில் தூக்கிய தி கிரேட் காளி!

உலகளவில் மல்யுத்தத்தில் புகழ் பெற்ற தி கிரேட் காளி சமீபத்தில் உலகின் மிக குள்ளமான பெண்ணான ஜோதி அம்கேவை சந்தித்தார். அவரை சந்தித்தது தொடர்பாக இன்ஸ்டாகிராமில் ஒரு வீடியோவைப் பகிர்ந்துள்ளார்.

அந்த வீடியோவில் தி கிரேட் காளி ஜோதி அம்கேவை ஒரு கையில் தூங்கி வைத்திருப்பதை காண முடிந்தது. அவரது கையில் அந்த பெண் ஒரு சிறு பொம்மை போல தோன்றினார்.

தற்போது இந்த வீடியோ சமூக வலைத்தளங்களில் வைரல் ஆகி வருகிறது. காளி அம்கேயை ஒரு கையால் தூக்குவதையும், அம்கே சிரிப்பதை நிறுத்த முடியாமல் இருப்பதையும் காணலாம். 

மே 18 அன்று வெளியிடப்பட்ட இந்த வீடியோ ஏற்கனவே 11 மில்லியனுக்கும் அதிகமான பார்வைகளைக் கொண்டுள்ளது. மேலும் இந்த வீடியோ ரசிகர்களிடம் இருந்து கலவையான விமர்சனங்களை பெற்றுள்ளது.

டிசம்பர் 6, 1993ல் பிறந்த ஜோதி அம்கே 62.8 சென்டிமீட்டர் மட்டுமே உயரம் கொண்டவர். மேலும் இவர் உலகின் மிக குள்ளமான பெண் என்ற கின்னஸ் உலக சாதனையைப் படைத்துள்ளார். 

அகோண்ட்ரோபிளாசியாவால் பாதிக்கப்பட்ட போதிலும், ஆம்கே பல நாடுகளுக்கு பயணம் செய்து வருகிறார். இவர் 2012 ஆம் ஆண்டு சல்மான் கானின் ரியாலிட்டி ஷோ ‘பிக் பாஸ்’ நிகழ்ச்சியில் விருந்தினராக கலந்து கொண்டார். 

அம்கே 2009 ஆம் ஆண்டு பாடி ஷாக்: டூ ஃபுட் டால் டீன் என்ற தலைப்பில் ஆவணப்படத்தில் இடம்பெற்றார். இது தவிர, லோனாவாலாவில் உள்ள பிரபல மெழுகு அருங்காட்சியகத்தில் அவரது மெழுகு சிலை உள்ளது என்பது குறிப்பிடத்தக்கது.