இந்த ஜூலையில் இந்தியாவில் களமிறங்கும் புத்தும் புதிய பைக் மற்றும் கார்கள்...

இந்திய ஆட்டோமொபைல் இந்த மாதம் அறிமுகமாக உள்ள முன்னணி நிறுவனங்களின் 7 கார்கள் மற்றும் பைக்குகளை தொடர்ந்து பார்க்கலாம்.

Mini Cooper S மற்றும் Countryman E-Mini: இந்த இரண்டு மாடல்களும் கடந்த 2023ஆம் ஆண்டு செப்டம்பரில் உலகச் சந்தைகளில் கால் பதித்த நிலையில் தற்போது இந்தியாவில் இந்த மாதம் வரவிருக்கின்றன. Mini Cooper S 7 கியர்கள் கொண்ட 2.0-லிட்டர் டர்போ பெட்ரோஸ் இஞ்சின் கொண்டதாகும். EV காரான Countryman E-Mini சுமார் 462 கி.மீ., வரை ரேஞ்ச் கிடைக்கும் என தெரிவிக்கப்படுகிறது. 

BMW 5 Series LWB: இந்த கார் இந்தியாவில் ஜூலை 24ஆம் தேதி அன்று வெளியாகிறது. 2.0-லிட்டர் பெட்ரோல் எஞ்சின் கொண்ட இந்த கார் மிகவும் எதிர்பார்க்கப்படும் மாடலாக உள்ளது.

Royal Enfield Guerilla 450: இந்த பைக் இம்மாத இறுதிக்குள் இந்திய சந்தைக்கு வரும் என எதிர்பார்க்கப்படுகிறது. 455cc எஞ்சின் கொண்ட இந்த பைக்கின் ஆன்-ரோடு விலை 3.30 லட்சம் ரூபாய் வரை வரலாம் என எதிர்பார்க்கப்படுகிறது.  

Mercedes Benz EQA: EV காரான இது வரும் ஜூலை 8ஆம் தேதி இந்தியாவில் அறிமுகமாக உள்ளது. இது 560 கி.மீ., ரேஞ்ச் தரும் என தெரிவிக்கப்படுகிறது. இதன் ஆன்-ரோடு விலை 70 லட்சம் ரூபாயாக இருக்கும் என எதிர்பார்க்கப்படுகிறது.   

BMW CE 04: ஜூலை 24ஆம் தேதி இந்தியாவில் இந்த பைக் அறிமுகமாக உள்ளது. இந்த பைக் 130 கி.மீ., வரை ரேஞ்ச் கிடைக்கும் என தெரிவிக்கப்பட்டுள்ளது. 0-100 kmph வேகத்தை வெறும் 9.1 விநாடிகளில் இந்த பைக் எட்டிவிடும். இன் ஆன்-ரோடு விலை சுமார் 12 லட்ச ரூபாயாக இருக்கும் என எதிர்பார்க்கப்படுகிறது.  

Nissan X-Trail: 7 சீட்டர் காரான இந்த மாடல் இந்தியாவில் இம்மாதம் வெளியாக உள்ளது. 1.5-லிட்டர் பெட்ரோல் எஞ்சின் கொண்ட இந்த கார் இந்தியாவில் சுமார் ரூ.40 லட்சம் முதல் ரூ.50 லட்சம் வரை விற்பனையாகும் என கூறப்படுகிறது. 

Bajaj CNG Bike: இந்த பைக்கின் பெயர் இன்று அதிகாரப்பூர்வமாக அறிவிக்கப்படவில்லை. பைக் இன்று அறிமுகமாக உள்ள நிலையில் அதன் பெயரும், முக்கிய அம்சங்களும் இன்று வெளியாகும் எனலாம். இதுதான் உலகின் முதல் CNG பைக்காகும்.