கூகுள் குரோம் பிரவுசரை உடனே அப்டேட் செய்யுங்கள்..! ஏன் தெரியுமா?

மேகோஸ், விண்டோஸ் மற்றும் லினக்ஸில் அதன் குரோம் தேடுபொறிக்கான முக்கியமான பாதுகாப்பு அப்டேட்டை கூகுள் சமீபத்தில் வெளியிட்டது. 

அனைத்து Chrome பயனர்களும் தங்கள் உலாவிகளை உடனடியாக புதுப்பிக்குமாறு கூகுள் வலியுறுத்தியுள்ளது.

CVE-2023-6345 என்ற பிழையை சரி செய்து கூகுள் அப்டேட்டை வெளியிட்டிருக்கிறது. இந்த அப்டேட் செய்யவில்லை என்றால் உங்கள் ஸ்மார்ட்போன் ஹேக்கிங் செய்யப்பட வாய்ப்புள்ளது.

CVE-2023-6345 பிழையைப் பற்றிய கூடுதல் விவரங்களை Google வழங்கவில்லை. இது Google -ன் அச்சுறுத்தல் ஆராய்ச்சியாளர்கள் குழுவில் (TAG) பாதுகாப்பு ஆராய்ச்சியாளர்களால் கடந்த வாரம் கண்டுபிடிக்கப்பட்டது. 

ஒருவேளை நீங்கள் கூகுள் பிரவுசரை அப்டேட் செய்யவில்லை என்றால் டேட்டா திருட்டில் நீங்கள் சிக்கிக் கொள்ள வாய்ப்பு இருக்கிறது. அப்டேட் செய்யாத Chrome தேடுபொறி பாதுகாப்பையும் யூசர்களின் முக்கியமான தகவலையும் கசியவிடும். 

மோசடி செய்பவர்கள் உங்கள் சாதனத்திற்கான அணுகலைப் பெற்றால், அவர்களால் உங்கள் மொபைலை முழுமையாக கட்டுப்படுத்தப்படும் நிலைக்கு கூட கொண்டு செல்ல முடியும்.

நீங்கள் பாதுகாப்பாக இருக்க ஒரே வழி, உடனடியாக உங்கள் ஸ்மார்ட்போன் அல்லது சிஸ்டத்தில் குரோமை அப்டேட் செய்யுங்கள்.