ஆதி குணசேகரனாக நடிக்க வேல ராமமூர்த்தி வாங்கும் சம்பளம் எவ்வளவு தெரியுமா?

தமிழ் ரசிகர்கள் அதிகம் பார்க்கும் சின்னத்திரை தொடர்களுள் ஒன்று, எதிர்நீச்சல். இந்த தொடரில்  ஆதி குணசேகரன் என்ற கதாப்பாத்திரம் மிகவும் பிரபலம். மறைந்த நடிகர் மாரிமுத்து இந்த கதாப்பாத்திரத்தில் நடித்து வந்தார்.

மாரிமுத்து சில மாதங்களுக்கு முன்பு உயிரிழந்ததை தொடர்ந்து, அந்த கதாப்பாத்திரத்தில் வேல ராமமூர்த்தி நடித்து வருகிறார். இவர், பல தமிழ் படங்களில் குணச்சித்திர வேடங்களிலும் வில்லன் வேடங்களிலும் நடித்திருக்கிறார். 

வேல ராமமூர்த்தி ஆதி குணசேகரன் கதாப்பாத்திரத்தில் நடிக்க முதலில் ஒத்துக்கொள்ளவில்லை என கூறப்பட்டது. காரணம், இவரை சீரியலில் நடிக்க சொல்லி அழைத்தபோது, இவர் கைவசம் 5 படங்கள் இருந்ததாம். 

சீரியலில் நடிக்க ஆரம்பித்த பிறகு இவருக்கு ரசிகர்கள் நல்ல வரவேற்பு கொடுத்தனர். இதனால் வரும் படவாய்ப்புகள் அனைத்தையும் வேல ராமமூர்த்தி நிராகரித்து வருகிறாராம். 

படங்களில் முக்கிய கதாப்பாத்திரங்களிலேயே நடித்தாலும், அதில் சம்பளம் இவருக்கு மிகவும் குறைவு என கூறப்படுகிறது. இதனால் சீரியல் மூலமாகவே தனது பெரும்பான்மையான வருவாயை வேல ராமமூர்த்தி சம்பாதித்து வருகிறார். 

இவருக்கு ஆதி குணசேகரன் கதாப்பாத்திரத்தில் நடிக்க மாதம் ரூ.10 லட்சம் முதல் ரூ.15 லட்சம் வரை சம்பளமாக வழங்கப்படுகிறதாம். 

வேல ராமமூர்த்தியின் இந்த சம்பள விவரத்தை பார்த்த ரசிகர்கள் அதிர்ந்து போயுள்ளனர். வேல ராமமூர்த்தி, கடைசியாக ரெய்டு படத்தில் நடித்திருந்தார்.