விஜய் நடித்து வரும் GOAT படத்தின் லேட்டஸ்ட் அப்டேட்!

விஜய் - வெங்கட் பிரபு கூட்டணியில் உருவாகி வரும் தளபதி 68 படத்தின் படப்பிடிப்பு பரபரப்பாக நடைபெற்று வருகிறது.  இந்த படத்திற்கு GOAT என்று டைட்டில் வைக்கப்பட்டுள்ளது.

இந்த படத்தில் விஜய்யுடன் பிரசாந்த், மோகன், பிரபுதேவா, ஜெயராம், கணேஷ், யோகி பாபு, வைபவ், சினேகா, லைலா, மீனாட்சி சவுத்ரி என பலர் நடித்து வருகின்றனர். 

நீண்ட வருடங்களுக்கு பிறகு விஜய் படத்திற்கு யுவன் ஷங்கர் ராஜா இசையமைத்து வருகிறார். பிகில் படத்திற்கு பிறகு ஏஜிஎஸ் என்டர்டெயின்மென்ட் நிறுவனம் இந்த படத்தை தயாரிக்கிறது.

கடந்த ஆண்டு தொடங்கிய GOAT படத்தின் படப்பிடிப்பு சென்னை, தென்னாப்ரிக்கா, ஹைதராபாத், புதுச்சேரி ஆகிய இடங்களில் நடைபெற்றது. தற்போது இறுதிக்கட்டத்தை நெருங்கி உள்ளது.

இலங்கை செல்ல இருந்ததாக கூறப்பட்ட நிலையில், தற்போது படக்குழு ரஷ்யா செல்ல உள்ளது. மார்ச் மாத இறுதியுடன் இந்த படத்தின் படப்பிடிப்பு முழுவதும் நிறைவடைய உள்ளது.