கின்னஸ் உலக சாதனை தினத்தைக் கொண்டாடிய உலகின் உயரமான பெண் மற்றும் குட்டை பெண்!!

கின்னஸ் உலக சாதனை தினத்தில் உலகின் மிக உயரமான மற்றும் உலகின் குட்டையான பெண் இருவரும் லண்டனில் சந்தித்த வீடியோ இணையத்தில் டிரெண்டாகி வருகிறது.

உலகின் மிக உயரமான மற்றும் குட்டையானப் பெண் லண்டனில் சந்தித்தார். இதயத்தைத் தொடும் தருணத்தின் வீடியோவை கின்னஸ் வேர்ல்ட் ரெக்கார்ட்ஸ் இன்ஸ்டாகிராமில் பகிர்ந்தனர்.

உலகின் மிக உயரமான பெண் ருமேசா கெல்ஜி மற்றும் குட்டையானப் பெண் ஜோதி அம்கே இருவரும் லண்டனில் சந்தித்தபோது எடுக்கப்பட்ட போட்டோஸ் இணையத்தில் வைரலாகி வருகிறது.

கின்னஸ் உலக சாதனை தினம் 2024 ஐக் கொண்டாடுவதற்காக உலகின் மிக உயரமான பெண்மணி ருமேசா கெல்கியும், குட்டையான ஜோதி அம்கேவும் லண்டனின் சின்னமான சவோய் ஹோட்டலில் தேநீருக்காகச் சந்தித்தனர்.

துருக்கியைச் சேர்ந்த 27 வயதான ருமேசா 215.16 cm (7 அடி 1 அங்குலம்) ஆகவும், 30 வயதான இந்திய நடிகை ஜோதி அம்கே 62.8 cm ஆகவும் உள்ளனர் (2ft 1in).

"ஜோதியை முதல் முறையாகச் சந்திப்பது அற்புதமாக இருந்தது" என்று கின்னஸ் வேர்ல்ட் ரெக்கார்ட்ஸுக்கு அளித்த பேட்டியில் ருமேசா கூறினார், "அவர் மிகவும் அழகான பெண். அவளைச் சந்திக்க நான் நீண்ட நேரம் காத்திருந்தேன் என்று மகிழ்ச்சியுடன் கூறினார்.

"உயர வேறுபாடு காரணமாக சில நேரங்களில் கண் தொடர்பு கொள்வது எங்களுக்குக் கடினமாக இருந்தது, ஆனால் அது மிகவும் நன்றாக இருந்தது" என்று  ருமேசா  கூறினர்.

"என்னை விட உயரமானவர்களைப் பார்ப்பதற்கு நான் பழகிவிட்டேன்",  "ஆனால் இன்று மேலே பார்த்து உலகின் மிக உயரமான பெண்ணைப் பார்ப்பதில் நான் மிகவும் மகிழ்ச்சியடைகிறேன் என்று ஜோதி கூறினார்.