நீங்க நிம்மதியா இருந்தா; இந்த வீடியோவை பாகாதீங்க -கமல்!

மதுரை ஒத்தக்கடை பொதுக்கூட்ட மைதானத்தில் கடந்த 21-ம் தேதி தனது கட்சியின் கொடியை ஏற்றி வைத்த கமல்ஹாசன், கட்சியின் பெயரையும் அறிமுகம் செய்தார்.  மக்கள் நீதி மய்யம் என்பது தான் கட்சியின் பெயர். 

இந்நிலையில் கமல்ஹாசன் புதுவீடியோ ஒன்றை யூ-டியூபில் வெளியிட்டுள்ளார். அந்த வீடியோவில் அவர் பேசியிருப்பதாவது, வணக்கம். நீங்கள் தமிழ்நாட்டில் சந்தோஷமாக, நிம்மதியாக இருக்கிறீர்கள் என்றால், இந்த வீடியோவை பார்க்க வேண்டிய அவசியமில்லை. நாட்டு நடப்பும், அரசியலும் நல்லபடியாக சென்றுக் கொண்டிருப்பதாக நீங்கள் நம்பினால் இந்த வீடியோ உங்களுக்காக எடுக்கப்பட்டது அல்ல. புறப்படுங்க... 

சிறிது நேரத்திற்கு பின் மீண்டும் பேச்சைத் தொடரும் கமல், வாவ். இன்னும் நீங்க இங்கத்தான் இருக்கீங்களா.. அப்ப நீங்க நம்ம கட்சி. அங்க என்ன செய்றீங்க. களத்திற்கு வாங்க. எனத் தெரிவித்துள்ளார்.