குடியுரிமை திருத்தச் சட்டம் 2019 குறித்த குழப்பத்தைத் தீர்ப்பதில் பாரதிய ஜனதா கட்சி மிகுந்த ஆர்வம் காட்டி வருகிறது. அந்த வகையில் தற்போது குடியுரிமை திருத்தச் சட்டம் தொடர்பாக வீடியோ ஒன்றினையும் வெளியிட்டுள்ளது.


COMMERCIAL BREAK
SCROLL TO CONTINUE READING

இந்த வீடியோவில் முஸ்லிம் சமூகத்தை ஈர்க்கும் முயற்சியில் பாஜக ஈடுப்பட்டுள்ளது. பாஜகவின் ட்விட்டர் கைப்பிடியிலிருந்து வெளியிடப்பட்ட இந்த வீடியோவில், அனைத்து முஸ்லீம் சகோதர சகோதரிகளும் முதலில் குடியுரிமை திருத்தச் சட்டத்தையே புரிந்து கொள்ள வேண்டும் என்றும் பின்னர் அதை மற்றவர்களுக்கு விளக்க வேண்டும் என்றும் கூறப்பட்டுள்ளது. 


இல்லையெனில், பொய்களையும் குழப்பங்களையும் பரப்பும் அரசியல் கட்சிகள் தங்கள் வாக்கு வங்கியின் சுயநலத்திற்காக தங்களுக்குள் தொடர்ந்து போராடுவார்கள். வதந்திகளைத் தவிர்த்து உண்மையை அறிந்து கொள்ளுங்கள்… என்றும் குறிப்பிட்டுள்ளது.



பாஜக வெளியிட்டுள்ள வீடியோவில் இரண்டு நபர்கள் இடம்பெற்றுள்ளன. ஆரிஃப் பாய் எங்கு சென்றார் என்று ஒருவர் கேட்கிறார். அதற்கு அவர் மத்திய அரசுக்கு எதிரான ஆர்ப்பாட்டத்தில் பங்கேற்க செல்கிறேன் என ஆரிஃப் பதில் அளிக்கிறார். மேலும், மத்திய அரசு எங்களுக்கு எதிராக ஒரு சட்டத்தை கொண்டு வந்துள்ளது, இதன் மூலம் முஸ்லிம்கள் நாம் அனைவரும் இந்தியாவை விட்டு வெளியேற வேண்டியிருக்கும் எனவும் அவர் தெரிவிக்கிறார். இது குறித்து, மற்றவர் ஒரு படித்த முஸ்லீமாக, நீங்கள் மற்றவர்களின் போலிக்காரணத்தின் கீழ் போராட்டத்தில் ஈடுப்படவேண்டாம். CAA என்றால் என்ன என்று தெரிந்து கொள்ளுங்கள் என்று அறிவுரை வழங்குகிறார்.


மேலும், இந்த சட்டத்தின் கீழ், எந்தவொரு இந்தியரின் குடியுரிமையும் பறிக்கப்படாது, மாறாக அது குடியுரிமை வழங்குவதற்கான சட்டமாகும். இதன் கீழ், பாகிஸ்தான், பங்களாதேஷ் மற்றும் ஆப்கானிஸ்தானில் இருந்து மதத்தின் அடிப்படையில் சித்திரவதை செய்யப்பட்ட இந்து, சீக்கிய, கிறிஸ்தவ, பார்சி, பொத்த மற்றும் சமண சமூகங்களைச் சேர்ந்த அகதிகளுக்கு குடியுரிமை வழங்க விதி உள்ளது என்றும் தெளிவுபடுத்துகின்றார். 


பிரதமர் மோடி தலைமையிலான அரசு நாடு முழுவதும் உத்தேச தேசிய குடிமக்கள் பதிவேட்டை (NRC) செயல்படுத்த திட்டமிட்டுள்ளது. திருத்தப்பட்ட குடியுரிமைச் சட்டம் மற்றும் உத்தேச தேசிய குடிமக்கள் பதிவேட்டு (NRC) தொடர்பாக நாட்டின் பல இடங்களில் போராட்டங்கள் நடைப்பெற்று வருகின்றன. இருப்பினும், தற்போது ​​தேசிய அளவில் உத்தேச தேசிய குடிமக்கள் பதிவேடு (NRC) போன்ற முறையான எந்த முயற்சியும் தொடங்கப்படவில்லை, அதிகாரப்பூர்வமாக அறிவிக்கப்படவில்லை என்றும் அரசாங்கத்தால் கூறப்படுகிறது. எனினும் வரும் காலத்தில் நிச்சையம் அனைத்து மாநிலங்களிலும் இந்த பதிவேடு செயல்படுத்தப்படும் என கூறப்படுகிறது.


தேசிய அளவில் உத்தேச தேசிய குடிமக்கள் பதிவேடு (NRC) செயல்படுத்தும் பட்சத்தில் 1971-க்கு முன்னர் அடையாள ஆவணங்களை நாம் முன்வைத்து நமது இந்திய குடியுரிமையினை நிரூபிக்க வேண்டும். அதேப்போல் குடியுரிமை திருத்த சட்டமானது, பாகிஸ்தான், ஆப்கானிஸ்தான் மற்றும் பங்களாதேஷில் இருந்து மதத் துன்புறுத்தல்களில் இருந்து தப்பிச் சென்று இந்துக்கள், சீக்கியர்கள், சமணர்கள், பார்சிகள், பௌத்தர்கள் மற்றும் கிறிஸ்தவர்களுக்கு குடியுரிமை வழங்க முற்படுகிறது. 


எனினும் மதரீதியில் இந்த நடவடிக்கை நடத்தப்படுவதாக தெரிவித்து எதிர்கட்சியினர், ஆளும் கட்சியின் முடிவுக்கு எதிர்ப்பு தெரிவித்து வருகின்றனர் என்பது குறிப்பிடத்தக்கது.