SeePics: கோவை ஈஷா மையத்தில் காஜல் அகர்வால்!

கோவை ஈஷா மையத்தில் நடிகை காஜல் அகர்வால் எடுத்துக்கொண்ட புகைப்படங்கள் தற்போது இணையத்தில் வைரலாகி வருகின்றது!

தமிழ் திரையுலகிற்கு சரோஜா திரைப்படத்தின் மூலம் அறிமுகமானவர் என்ற போதிலும், நடிகர் பரத் உடன் நடித்த பழனி திரைப்படத்தின் மூலமே காஜல் அகர்வால் தமிழ் திரையுலகில் பிரபலமானார். மகதீரா, பிருந்தாவனம், ஜில்லா, வீரம் போன்ற திரைப்படங்களின் மூலம் தமிழ், தெலுங்கு மொழிப் படங்களில் பிஸியான இவர் தற்போது பாரிஸ் பாரிஸ் என்னும் படத்தில் நடித்து வருகின்றார்.

திரைப்பட படபிடிப்பிற்கு மத்தியில் தற்போது குரு பூர்னிமா முன்னிட்டு கோவை ஈஷா மையத்திற்கு விஐயம் செய்துள்ளார். அங்கு தான் எடுத்துக்கொண்ட புகைப்படங்களை தற்போது அவர் தனது இன்ஸ்டாகிராம் பக்கத்தில் பதிவிட்டுள்ளார்.

ஆதி யோகி சிலைக்கு முன்னர் அமர்ந்து தியானம் செய்யும் காஜலின் புகைப்படங்கள் தற்போது இணையத்தில் வைரலாகி வருகின்றது.

கோவையில் ஈஷா யோகா மையம் சார்பில் 112 அடி ஆதியோகி சிலை நிறுவப்பட்டுள்ளது. ஈஷா யோகா மைய நிறுவனர் சத்குரு இங்கு தொடர்ந்து யோக பயிற்சி நிகழ்ச்சிகளை நடத்தி வருகின்றார். இந்த நிகழ்ச்சிகளில் பங்கேற்க உலகம் முழுவதிலும் இருந்து பலரும் வந்து செல்வது வழக்கமாகி வருகின்றது. இந்நிலையில் தற்போது குரு பூர்னிமா நிகழ்வையொட்டி நடத்தப்பட்ட சிறப்பு பூஜையில் காஜல் கலந்துக்கொண்டு தனது புகைப்படத்தினை வெளியிட்டுள்ளார்.