வெட்ட வெளியில் சுட்டுக்கொல்லப்பட்ட ஆசிரியர்! அதிர்ச்சயளிக்கும் சிசிடிவி காட்சிகள்..

Shocking CCTV Footage : இணையத்தில் வைரலாகும் வீடியோக்கள், நம்மை பல சமயங்களில் ஆச்சரியப்படுத்தவும், சில சமயங்களில் நம்மை அதிர்ச்சியடையவும் செய்கின்றன. அதிலும் குறிப்பாக, தெருவோரங்களில் இருக்கும் சிசிடிவி கேமராக்கள், மூலை முடுக்குகளில் நடக்கும் சட்டத்திற்கு புறம்பான சம்பவங்களுக்கு சிறந்த அத்தாட்சியாக அமைகின்றன. அந்த வகையில், தற்போது இணையத்தில் வைரலாகி வரும் வீடியோ ஒன்று, காண்போரை அதிர்ச்சிக்குள்ளாக்கியிருக்கிறது. 

சிசிடிவி காட்சி..!

உத்திர பிரதேசத்தில் இருக்கும் மொராபாத் என்ற இடத்திதான் இந்த கொடூர சம்பவம் நடந்திருக்கிறது. தன்னை நோக்கி ஒரு ஆபத்து வருவது தெரியாமல் கையில் பை ஒன்றை வைத்துகொண்டு ரோட்டில் நடந்து போய்க்கொண்டிருக்கிறார் ஒரு ஆசிரியர். இவரை நோக்கி வந்த இரு சக்கர வாகனத்தில் இருவர் அமர்ந்திருந்தனர். இவர் அருகில் வந்து வாகனத்தை நிறுத்திய அவர்கள், கண்ணிமைக்கும் நேரத்தில் துப்பாக்கிய எடுத்து பொட்டென அந்த ஆசிரியரை சுட்டு வீழ்த்தினர். அதிலும், சரியாக தலையில் குறிவைத்து சுட்டிருக்கின்றனர். 

சுடப்பட்ட அந்த அசிரியர் அப்படியே முன்பக்கமாக சரிந்து கீழே வருகிறார். இதைப்பார்த்தவுடன் அந்த பைக்கில் வந்தவர்கள் அப்படியே பைக்கை வேகமாக கிளப்பிக்கொண்டு கிளம்புகின்றனர். விசாரணையில் அந்த ஆசிரியரின் பெயர் ஷபாபுல் என்பது தெரிய வந்திருக்கிறது. இந்த சம்பவம் குறித்து போலீஸார் தொடர்ந்து விசாரணை நடத்தி வருகின்றனர். வெட்ட வெளியில், பட்டப்பகலில் இந்த சம்பவம் நடந்திருப்பது அப்பகுதி மக்களுக்கு அச்சுறுத்தலாக விளங்குவதாக சிலர் கூறி வருகின்றனர். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!