வீட்டு வாசலில் கோலம் போட்ட பெண்கள் மீது ஏறிய கார்! அதிர்ச்சியளிக்கும் சிசிடிவி காட்சிகள்..

Speeding Car Ran Over 2 Girls Watch CCTV Footage: நொடிக்கு நொடி பல்வேறு வினோதங்கள் நிகழும் இடமாக மாறிவிட்டது, நாம் வாழும் உலகம். எங்கு எந்த விஷயம் நடந்தாலும், நொடிப்பொழுதில் நம்மால் அதை தெரிந்து கொள்ள முடிகிறது. இது, பல சமயங்களில் நல்லதாகவும், சில சமயங்களில் நம் மனதை பாதிக்கும் வகையிலும் முடிகிறது. இப்படி இணையத்தில் வைரலாக்கப்படும் வீடியோக்களால் மக்களுக்கு விழிப்புணர்வு அதிகரித்தாலும், பயமும் அதே நேரத்தில் அதிகமாகி விடுகிறது. இப்போதும், அப்படி மனதை பாதிக்கும் வகையிலான ஒரு வீடியோதான் இணையத்தில் வைரலாகி வருகிறது. 

வைரல் வீடியோ:

மத்திய பிரதேசத்தில் இருக்கும் இந்தூரில்தான் இந்த சம்பவம் நடந்துள்ளது. சாதாரணமாக ஒரு தெருவின் கடையில் இருக்கும் சிசிடிவி காட்சிகள்தான், நம் மனதை பதைபதைக்க வைக்கின்றன. அங்கிருக்கும் ஒரு வீட்டருகே இரண்டு பெண்கள் அமர்ந்து தங்கள் வாசலுக்கு முன்பு ரங்கோலி கோலம் போட்டு வருகின்றனர். சில வினாடிகளில் அங்கு திடீரென்று வந்த ஒரு கருப்பு நிற கார், இருவர் மீதும் ஒரே அடியாக ஏறி, சுவற்றுடன் மோதி நின்று விட்டது. 

சம்பவ இடத்தில் இருந்த அக்கம் பக்கத்தினர் ஓடி வந்து அந்த பெண்களை காப்பாற்றி மருத்துவமனையில் சேர்த்திருக்கின்றனர். இதில், அடிப்பட்ட இரண்டு பெண்களில் ஒரு பெண் மிகவும் ஆபத்தான நிலையில் மருத்துவமனையில் சிகிச்சை பெற்று வருவதாக கூறப்படுகிறது. 

தீபாவளி பண்டிகை வருவதை ஒட்டி, அந்த இரண்டு பெண்களும் தங்கள் வீட்டு வாசலில் ரங்கோலி கோலம் போட்டுக்கொண்டிருக்கும் போது, இந்த சம்பவம் நிகழ்ந்திருக்கிறது. இது, அந்த பகுதியனர் மட்டுமன்றி, வீடியோவை பார்த்தவர்களின் மனதையும் கனக்க வைத்திருக்கிறது. பாதிக்கப்பட்ட பெண்களில், ஒருவர் 14 வயது சிறுமி என்றும், இன்னொருவர் 21 வயது பெண் என்றும் கூறப்படுகிறது. 

குற்றவாளி யார்? 

2 பெண்கள் மீதும் காரை ஏற்றியது, 17 வயது சிறுவன் என விசாரணையில் கூறப்படுகிறது. காரில் தன் நண்பருடன் வந்த போது, இந்த விபத்தை நிகழ்த்தியிருக்கிறார் அந்த பெயர் குறிப்பிடாத குற்றவாளி. விபத்து நடந்த பிறகு அவரும் அவரது நண்பரும் அங்கிருந்து தப்பி சென்றுள்ளனர். அதன் பிறகு அவர்களை போலீஸார் மடக்கி கைது செய்திருக்கின்றனர். அந்த காரும் தற்போது போலீஸாரின் பிடியில் உள்ளது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!