50 ஆண்டிற்கு பின் உருவாகும் திரிகிரக யோகம்... அதிர்ஷ்ட மழையில் நனையும் ‘6’ ராசிகள்!

திரிகிரக யோக பலன்கள்:  சுமார் 50 ஆண்டுகளுக்குப் பிறகு பிப்ரவரி மாதத்தில் அபூர்வ சேர்க்கை நடைபெற உள்ளது. மகர ராசியில் செவ்வாய் புதன் மற்றும் சுக்கிரன் ஆகிய கிரகங்கள் இணைவதால் திரிகிரக யோகம் உருவாக உள்ளது. புத்தாண்டில் புதன் தனுசு ராசியில் இருந்து மகர ராசிக்குள் நுழைந்த நிலையில், பிப்ரவரி மாதம் ஐந்தாம் தேதி செவ்வாயும் மகர ராசிக்குள் பெயர்ச்சியாகிறார். அதைத்தொடர்ந்து பிப்ரவரி 12ஆம் தேதி சுக்கிரனும் மகர ராசிக்கு வருகிறார். இதனால் 50 ஆண்டுகளுக்குப் பிறகு புதன் சுக்கிரன் மற்றும் செவ்வாய் கிரகங்கள் மகர ராசியில் இணைகின்றன.

கிரகங்களின் அபூர்வ சேர்க்கை

இந்த அபூர்வ சேர்க்கை சில ராசிகளுக்கு அதிர்ஷ்டங்களை கொண்டுவரும். வாழ்க்கையில் பல வகைகளில் வெற்றிகளை பெறுவார்கள். முன்னேற்றத்திற்கான சுப வாய்ப்புகள் கிடைக்கும். பண வரவும் சிறப்பாக இருக்கும். இந்தத் திரிகிரக யோகத்தால் பலனடைய போகும் ராசிகள் எவை என்பதை அறிந்து கொள்ளலாம்

மேஷ ராசிக்கான திரிகிரக யோக பலன்கள்

மேஷ ராசியினருக்கு வாழ்க்கையில் முன்னேற்றத்திற்கான எல்லா வாய்ப்புகளும் கிடைக்கும். உத்தியோகத்தில் இருப்பவர்கள் கடின உழைப்புக்கான அங்கீகாரத்தை பெறுவார்கள். பதவி உயர்வு சம்பள உயர்வு ஆகியவை கிடைக்கும் வாய்ப்பு உள்ளது. மதிப்பும் மரியாதையும் அதிகரிக்கும். உடல் ஆரோக்கியம் சிறப்பாக இருக்கும். வியாபாரம் செய்பவர்களும் வணிகத்தில் நல்ல முன்னேற்றத்தை காண்பார்கள். தனிப்பட்ட வாழ்க்கையிலும் மகிழ்ச்சி நிறைந்து இருக்கும்.

சிம்ம ராசிக்கான திரிகிரக யோக பலன்கள்

சிம்ம ராசிக்காரர்கள் பல செல்வாக்கு மிக்க நபர்களை சந்திப்பார்கள். அதன் மூலம் அவர்களுக்கு ஆதாயங்கள் கிடைக்கும். தங்களுக்கு கொடுக்கப்பட்டுள்ள பொறுப்பை சிறப்பாக நிறைவேற்றுவார்கள். நிதி நிலைமை சிறப்பாக இருக்கும். தொழில் திட்டத்தை விரிவு படுத்துவதில் வெற்றி காண்பார்கள். குடும்ப உறுப்பினர்களிடையே அன்பும் அக்கறையும் மனதிற்கு மகிழ்ச்சியை தரும்.

கன்னி ராசிக்கான திரிகிரக யோக பலன்கள்

கன்னி ராசிக்காரர்கள் வேலையில் வெற்றிகளை குவிப்பார்கள். நீண்ட நாளாக இழுபறியில் இருந்த வேலைகள் முடிவுக்கு வரும். சக ஊழியர்களின் ஆதரவினால் உங்கள் பொறுப்புகளை திறம்பட நிறைவேற்றி பாராட்டுகளை பெறுவீர்கள். வேலைகள் அனைத்தும் எளிதாக முடியும். புதிய நிலம் வீடு அல்லது வாகனம் வாங்கும் வாய்ப்பு கிடைக்கும். குடும்பத்தில் அமைதியும் சந்தோஷமும் நிலவும்.

துலாம் ராசிக்கான திரிகிரக யோக பலன்கள்

துலாம் ராசிகளுக்கு வாய்ப்பு வசதிகள் சிறப்பாக கிடைக்கும். அதை பயன்படுத்திக் கொண்டு வாழ்க்கையில் முன்னேற்றத்தை காண்பார்கள். வீட்டில் சுப நிகழ்ச்சி நடக்கும் வாய்ப்பு உள்ளது. நிதிநிலைமை மேம்படும் முதலீடு செய்யும் வாய்ப்புகளும் அதிகரிக்கும். கைக்கு வராமல் இருந்த பணம் கைக்கு கிடைக்கும். ஆடம்பர வாழ்க்கையை அனுபவிப்பீர்கள். வாழ்க்கைத் துணையுடன் சிறப்பாக பொழுதை கழிக்கும் வாய்ப்புகள் கிடைக்கும்.

தனுசு ராசிக்கு திரிகிரக யோக பலன்கள்

தனுசு ராசிகள் திடீர் பண வரவை பெற்று நெருக்கடி நிலையில் இருந்து விடுபடுவார்கள். புதிதாக வேலை தேடுபவர்கள், வாய்ப்புகளை சிறப்பாக பயன்படுத்திக் கொள்வார்கள். சமூகத்தில் மதிப்பும் மரியாதையும் உயரும். குடும்பத்தில் மகிழ்ச்சி நிலவும். விருப்பங்கள் ஆசைகள் அனைத்தும் நிறைவேறும். ஆன்மீகத்தின் மீது நாட்டம் அதிகரிக்கும்.

மகர ராசிக்கான திரிகிரக யோக பலன்கள்

மகர ராசிகளின் புத்தி கூர்மையும் செல்வாக்கும் அதிகரிக்கும். இதனால் வேலையை சிறப்பாக செய்து முடித்து அதிகாரியின் பாராட்டை பெறுவீர்கள். உங்கள் பணிகளில் குடும்ப உறுப்பினர்களின் ஆதரவும் சிறப்பாக இருக்கும். வியாபாரத்தில் இருப்பவர்களும் நல்ல லாபம் காண்பார்கள். முதலீடு செய்யும் வாய்ப்புகள் அதிகரிக்கும். வருமானமும் பெருகும்.

பொறுப்புத் துறப்பு:  இந்தக் கட்டுரையில் உள்ள தகவல்கள் பல்வேறு ஊடகங்கள், ஜோதிடர்கள், பஞ்சாங்கம், உபதேசங்கள், நம்பிக்கைகள், ஆன்மீக நூல்கள் ஆகியவற்றிலிருந்து சேகரிக்கப்பட்டு உங்களுக்கு வழங்கப்பட்டுள்ளது. எங்கள் நோக்கம் தகவலை வழங்குவது மட்டுமே. ZEE NEWS இதற்கு பொறுப்பேற்காது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!