இந்தியா மற்றும் இலங்கைக்கு எதிரான 3வது டெஸ்ட் போட்டியில் டாஸ் வென்ற இந்திய அணி பேட்டிங் தேர்வு செய்து விளையடி வருகிறது!


COMMERCIAL BREAK
SCROLL TO CONTINUE READING

இந்தியா மற்றும் இலங்கை அணிகள் மோதும் 3-வது மற்றும் கடைசி டெஸ்ட் போட்டி டெல்லி பெரோஸ்ஷா கோட்லா மைதானத்தில் நேற்று முதல் நடைபெற்று வருகிறது. 


முன்னதாக, கொல்கத்தாவில் நடைப்பெற்ற முதலாவது டெஸ்ட் மழை காரணமாக "ட்ரா" ஆனது. நாக்பூரில் நடந்த 2-வது டெஸ்ட் போட்டியில் இந்திய அணி இன்னிங்ஸ் மற்றும் 239 ரன்கள் வித்தியாசத்தில் வெற்றி பெற்றது. இதனால் மூன்று டெஸ்ட் போட்டிகள் கொண்ட தொடரில் இந்தியா 1-0 என்ற கணக்கில் முன்னிலை வகிக்கிறது. 


இந்நிலையில் நேற்று 3-வது மற்றும் கடைசி டெஸ்ட் போட்டி டெல்லி பெரோஸ்ஷா கோட்லா மைதானத்தில் துவங்கியது. டாஸ் வென்ற இந்திய அணி பேட்டிங் தேர்வு செய்து விளையடியது.


ஆரம்பத்தில் நிதானமான விளையாட்டை வெளிப்படுத்திய போதிலும், இந்தியாவிற்கு ஆரம்ப அடியாய், துவக்க ஆட்டகாரர் தவான் 23(35) ரன்களில் வெளியேறினார். அவரின் பின்னால் புஜாராவும் 23(39) ரன்களுக்கு வெளியேறினார்.


முரளி விஜய் உடன் கைகோர்த்த கேப்டன் கோலி, ஆக்ரோசமான ஆட்டத்தினை வெளிப்படுத்த இந்திய அணியின் எண்ணிக்கை கனிசமாக உயர்ந்தது. விஜய் மற்றும் கோலி என இருவரும் அடுத்ததடுத்து தங்களது அரை சதத்தினை பூர்த்தி செய்தது ரசிகர்களின் எதிர்பார்ப்பை தூண்டியது.


அதேப் போல் தங்களது சதத்தினையும் அடுத்தடுத்து பூர்த்தி செய்தனர். கோலி தனது சதத்தினை பூர்த்திசெய்வாரா இல்லையா என பெரும் பரபரப்பினை ஏற்படுத்தியது குறிப்பிடத்தக்கது.


பின்னர் தனது 155(267) ரன்னில் முரளி விஜய் ஆட்டமிழக்க, பின்னர் களமிரங்கிய ரஹானே 1(5) ரன்களில் வெளியேறினார். எனினும் விராட் கோலி தனது 8-வது 150-னுடன் களத்தில் நின்றார். 


இந்நிலையில் முதல் நாள் ஆட்ட முடிவில், இந்திய அணி முதல் இன்னிங்சில் 4 விக்கெட்டுக்கு 371 ரன்கள் எடுத்தது. கோலி (156), ரோகித் (6) அவுட்டாகாமல் இருந்தனர். 6 விக்கெட்டுகள் உள்ள நிலையில் இந்திய அணி, இலங்கைக்கு கடும் நெருக்கடி தர காத்திருக்கிறது.