கடைசி டெஸ்ட்: டாஸ் வென்ற இந்தியா பேட்டிங் தேர்வு!!
இந்தியா - இலங்கை அணிகளுக்கு இடையிலான 3-வது மற்றும் கடைசி டெஸ்ட் இன்று பல்லேகலேயில் தொடங்கியது. டாஸ் வென்ற இந்திய அணி பேட்டிங்கை தேர்வு செய்துள்ளது.
இலங்கை அணிக்கு எதிரான சுற்றுப் பயணத்தில் இந்தியா 3 டெஸ்ட் போட்டிகளில் பங்கேற்கிறது. முதல் டெஸ்டில் இந்தியா 304 ரன்கள் வித்தியாசத்தில் வெற்றி பெற்றது. 2-வது டெஸ்டில் இன்னிங்ஸ் மற்றும் 53 ரன்கள் வித்தியாசத்தில் இந்தியா வெற்றி பெற்றது.
ஏற்கனவே 2-0 என தொடரை கைப்பற்றிய இந்திய அணி, இன்று மூன்றாவது மற்றும் கடைசி டெஸ்டில் விளையாடுகிறது. சிறு மாற்றங்களுடன் களம் இறங்கும் இலங்கை அணி தனது ஆறுதல் வெற்றியை பதிவு செய்யும் முனைப்பில் உள்ளது.
அதேவேளையில் இந்திய அணி கடைசி டெஸ்டில் வெற்றி பெற்று இலங்கை அணியை ஒயிட்வாஷ் செய்யும் முனைப்பில் உள்ளது.