IPL 2020: தோனியின் அணி பிளே ஆஃப் சுற்றுக்கு செல்வது கடினம்; ரசிகர்கள் அதிர்ச்சி!

அபுதாபி: மூத்த வீரர் மகேந்திர சிங் தோனியின் (MS Dhoni) டீம் சென்னை சூப்பர் கிங்ஸ் திங்களன்று நடந்த ஐபிஎல் -13 சீசனின் 37 வது போட்டியில் ராஜஸ்தான் ராயல்ஸ் அணிக்கு எதிராக தோல்வியை சந்தித்தது. இந்த தோல்வியின் மூலம், தோனியின் அணி இனி பிளேஆஃப் சுற்றுக்கு செல்வது கடினமாகிவிட்டது. சென்னை அணி 20 ஓவர்களில் 5 விக்கெட்டுக்கு 125 ரன்கள் எடுத்தது. அதன் பிறகு ஜோஸ் பட்லரின் (Jos Buttler) அற்புதமான 70 * ரன்கள் இன்னிங்ஸ் மூலம் ராஜஸ்தான் 17.3 ஓவர்களில் இலக்கை எட்டியது.

இதுவரை ஆடிய 10 போட்டிகளில் ராஜஸ்தானின் இது நான்காவது வெற்றியாகும். அந்த அணி 8 புள்ளிகளைப் பெற்றுள்ளது. ஸ்டீவ் ஸ்மித் (Steven Smith) தலைமையிலான அணி இப்போது புள்ளிகள் அட்டவணையில் ஐந்தாவது இடத்தை எட்டியுள்ளது. அதே நேரத்தில், தோனியின் அணி 10 போட்டிகளில் 7 வது தோல்வியை சந்திக்க வேண்டியிருந்தது, இப்போது பிளேஆஃப்களை அடைவது எளிதல்ல. இனி வரும் அனைத்து போட்டிகளிலும் வெற்றி பெற்றால் மட்டுமே வாய்ப்பு கிடைக்கலாம்.

ராயல்ஸ் 125 ரன்களுக்கு சென்னையை கட்டுப்படுத்தியது:
வேகப்பந்து வீச்சாளர் ஜோஃப்ரா ஆர்ச்சர் மற்றும் சூழல் பந்து வீச்சாளர்கள் அற்புதமான பந்துவீச்சின் காரணமாக ராஜஸ்தான் ராயல்ஸ் சென்னையை 5 விக்கெட்டுக்கு 125 ரன்கள் மட்டுமே எடுக்க அனுமதித்தது. சென்னையைப் பொறுத்தவரை, ரவீந்திர ஜடேஜா (30 பந்துகளில் 35), கேப்டன் மகேந்திர சிங் தோனி (28 பந்துகளில் 28) மட்டுமே ஓரளவுக்கு ரன்கள் எடுக்க முடிந்தது.

ஐ.பி.எல். இல் 200 போட்டிகளில் விளையாடிய முதல் வீரர் என்ற பெருமையை தோனி பெற்றார்.

கடைசி 5 ஓவர்களில் 36 ரன்கள் மட்டுமே அடிக்க முடிந்தது:
சென்னை கடைசி ஐந்து ஓவர்களில் 36 ரன்கள் மட்டுமே எடுத்தனர். சென்னை அணி முழு இன்னிங்ஸிலும் 12 பவுண்டரிகள் மற்றும் ஒரு சிக்ஸர் அடித்தனர். இந்த பவுண்டரிகளில் நான்கு ஜடேஜா அடித்தார். 

ராஜஸ்தான் சார்பாக பெசர் ஜோஃப்ரா ஆர்ச்சர், ஸ்ரேயாஸ் கோபால், ராகுல் தெவதியா, கார்த்திக் தியாகி தலா 1-1 விக்கெட்டுகளை கைபற்றினார்கள்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR