ஷகீன் அப்ரிடிக்கு இன்னொரு பேரிடி..! பாகிஸ்தான் கிளம்புகிறார்? இதுதான் விஷயம்
ஷகீன் அப்ரிடி மாமனார் சையது அப்ரிடியின் தங்கை இப்போது காலமாகியிருப்பதால், அவர் இறுதிச் சடங்களில் பங்கேற்க பாகிஸ்தானுக்கு செல்கிறாரா? என்ற கேள்வி எழுந்துள்ளது.
பாகிஸ்தான் அணியின் முன்னணி வேகப்பந்துவீச்சாளராக இருக்கும் ஷகீன் அப்ரிடி, இப்போது ஒருநாள் உலக கோப்பை கிரிக்கெட் தொடரில் பாகிஸ்தான் அணியுடன் இந்தியாவில் விளையாடி வருகிறார். இந்த சூழலில் அவருக்கு நெருங்கிய உறவினர் ஒருவர் காலமாகியிருப்பதால், ஷகீன் அப்ரிடி பாகிஸ்தானுக்கு செல்வாரா? அல்லது தொடர்ந்து அணியுடனேயே பயணிப்பாரா? என்ற கேள்வி எழுந்துள்ளது. பாகிஸ்தான் அணியின் முன்னாள் நட்சத்திர பிளேயரான சையது அப்ரிடியின் தங்கை கடந்த சில நாட்களாக உடல்நிலை பாதிக்கப்பட்டிருந்தார். இதனை தன்னுட்டைய டிவிட்டர் பக்கத்திலும் பதிவிட்டு, அவருக்காக பிரார்த்தனை செய்யுமாறு உருக்கமாக கேட்டிருந்தார்.
இந்த சூழலில் அப்ரிடியின் தங்கை மருத்துவ சிகிச்சை பலனின்றி காலமாகியுள்ளார். இதனையும் சையது அப்ரிடி தன்னுடைய டிவிட்டர் பக்கத்தில் தெரிவித்திருக்கிறார். சையது அப்ரிடியின் மருமகன் தான் பாகிஸ்தான் அணியில் தற்போது முன்னணி பந்துவீச்சாளராக இருக்கும் ஷகீன் அப்ரிடி. ஒரே குடும்பம் என்பதால் அவரும் மாமனாரின் தங்கையின் இறுதிச் சடங்கில் பங்கேற்க வேண்டியுள்ளது. ஆனால் அவர் உலக கோப்பைக்காக இப்போது இந்தியாவில் இருப்பதால், தொடரின் பாதியில் அங்கு சென்று திரும்புவது என்பது கொஞ்சம் கடினமான காரியம். இருப்பினும் அவர் செல்வாரா? அல்லது பாகிஸ்தான் அணியுடனேயே பயணிப்பாரா? என்பது குறித்து தெரியவில்லை.
ஷகின் அப்ரிடி அண்மைக்காலமாக பார்ம் இல்லாமல் தவித்து வருகிறார். அணியின் துருப்புச் சீட்டாக இருப்பார் என எதிர்பார்க்கப்பட்ட நிலையில், அவருடைய பந்துவீச்சை கத்துக்குட்டி அணிகள் கூட எளிமையாக எதிர்கொள்கின்றனர். உலக கோப்பையில் இதுவரை விளையாடிய போட்டிகளில் அவருடைய பந்துவீச்சு என்பது குறிப்பிடப்படும்படியாக அமையவில்லை. இந்திய அணிக்கு எதிரான போட்டியில் விளையாடுவதற்கு முன்பு 5 விக்கெட்டுகள் எடுப்பேன் என்று சவால் எல்லாம் விடுத்தார். இருப்பினும் 2 விக்கெட் மட்டுமே எடுத்தார். அதேநேரத்தில் முந்தைய போட்டிகளில் மிக மோசமாக பந்துவீசிக் கொண்டிருந்த அவர், இந்திய அணிக்கு எதிராக ஓரளவுக்கு நன்றாகவே வீசினார். அதனால் அடுத்தடுத்த போட்டிகளில் இன்னும் சிறப்பாக வீசுவார் என்று எதிர்பார்க்கப்படுகிறது.
மேலும் படிக்க | தோனியை போல் ரோஹித்... கேப்டன்ஸியில் கெத்து காட்டும் ஹிட்மேன் - 3ஆவது கப் லோடிங்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ