விராட் கோலியின் ஆக்ரோஷத்தை தடுக்க போவது இல்லை -அனில் கும்பிளே

இந்திய கிரிக்கெட் அணி வெஸ்ட் இண்டீஸில் சுற்றுப்பயணம் செய்து நான்கு டெஸ்ட் போட்டிகள் தொடரில் விளையாடுகிறது. வரும் ஜூலை 6-ம் தேதி இந்திய அணி வெஸ்ட் இண்டீஸ் புறப்படுகிறது. இதற்காக இந்திய அணி வீரர்கள் பெங்களூரு சின்னச்சாமி மைதானத்தில் தீவிர பயிற்சியில் ஈடுபட்டுள்ளனர். 6 நாட்கள் இந்த பயிற்சி நடைபெறுகிறது. 

பயிற்சிக்கு இடையே, இந்திய அணியின் டெஸ்ட் கேப்டன் விராட் கோலி மற்றும் அண்மையில் நியமிக்கப்பட்ட பயிற்சியாளர் அனில் கும்பிளே செய்தியாளர்களுக்கு பேட்டி அளித்தனர். பேட்டியின் போது

அனில் கும்பிளே கூறியதாவது:- விராட் கோலியின் ஆக்ரோஷ குணத்தை நான் அதிகம் விரும்புபவன். நானும் ஆக்ரோஷமான அணுகுமுறை கொண்டவன் தான். எனவே ஒருசிலரின் இயற்கையான சுபாவத்தை நான் ஒருபோதும் கட்டுப்படுத்த மாட்டேன்”என்றார்.

விராட் கோலி கூறுகையில்:-“அனில் கும்பிளே எங்களுடன் உள்ளது மிகச்சிறந்த விஷயம் ஆகும். அவரது அனுபம் எங்களுக்கு அதிக அளவு பயனளிக்கும். பந்து வீச்சாளர்களும் அவரது இருப்பால் புத்துணர்ச்சி அடைந்துள்ளனர்”என்றார். 

இந்தியா-வெஸ்ட் இண்டீஸ் இடையேயான 4 டெஸ்ட் போட்டிகள் வரும் ஜூலை 21-ம் தேதி முதல் ஆகஸ்ட் 22-ம் தேதி வரை நடைபெறுகிறது.