டாஸ்மாக் கடைகளை திறந்தால் மீண்டும் ஆட்சிக்கு வரும் கனவை மறந்து விடுங்கள்: ரஜினிகாந்த்

தமிழ்நாட்டில் அதிமுக அரசாங்கத்திற்கு மறைக்கப்பட்ட அச்சுறுத்தலை வெளியிட்ட சூப்பர் ஸ்டார் ரஜினிகாந்த் ஞாயிற்றுக்கிழமை, மாநிலத்தில் உள்ள அதிமுக அரசு இந்த நேரத்தில் டாஸ்மாக் மதுபான விற்பனை நிலையங்களை மீண்டும் திறக்க முயற்சிக்கக்கூடாது, இல்லையெனில் மீண்டும் ஆட்சிக்கு திரும்ப மறந்துவிட வேண்டும் என்று கூறினார்.

தமிழகத்தில் டாஸ்மாக் கடைகளை மூட சென்னை ஐகோர்ட் அதிரடி உத்தரவு பிறப்பித்தது. இதையடுத்து தமிழகத்தில் செயல்பட்டு வந்த அனைத்து டாஸ்மாக் கடைகளும் மூடப்பட்டது. இதற்கிடையில் அரசுக்கு வருமானம் கிடைப்பதில் சிக்கல் ஏற்பட்டுள்ளதாக கூறி சென்னை ஐகோர்ட் வழங்கிய தீர்ப்பை எதிர்த்து சுப்ரீம் கோர்ட்டில் தமிழக அரசு மேல்முறையீடு செய்துள்ளது.

இந்நிலையில், டாஸ்மாக் தொடர்பாக தமிழக அரசின் நிலைபாட்டை விமர்சித்து நடிகர் ரஜினி காந்த் கடும் கண்டனம் தெரிவித்துள்ளார். இந்த நேரத்தில் அரசு டாஸ்மாக் கடைகளை மறுபடி திறந்தால் மீண்டும் ஆட்சிக்கு வரும் கனவை மறந்து விட வேண்டும். தயவுகூர்ந்து கஜானாவை நிரப்ப நல்ல வழிகளை பாருங்கள் என்று தெரிவித்து நடிகர் ரஜினிகாந்த் டுவிட்டர் பதிவில் தெரிவித்துள்ளார்.