வானிலை அப்டேட்: தமிழகத்தில் கனமழைக்கு வாய்ப்பு!

தமிழகத்தில் ஒரு சில இடங்களில் இன்று கனமழை பெய்ய வாய்ப்புள்ளதாக சென்னை வானிலை ஆய்வு மையம் அறிவித்துள்ளது!!

தமிழகத்தில் தென்மேற்கு பருவமழை தீவிரம் அடைந்துள்ளது. மேலும், கர்நாடகம், கேரளா, மாவட்டங்களிலும் தீவிரம் அடைந்துள்ளதாகவும் வானிலை ஆய்வு மையம் தெரிவித்துள்ளது.

தென்மேற்கு பருவமழை காரணமாக தமிழகத்தில் உள்மாவட்டங்களில் சில இடங்களில் மழை பெய்யும் என்றும் தென் மாவட்டங்களிலும், வட மாவட்டங்களிலும் ஒரு சில இடங்களில் இன்று கனமழை பெய்யும் எனவும் சென்னை வானிலை மையம் அறிவித்துள்ளது. 

அதேபோல் சென்னையில் வானம் மேக மூட்டத்துடன் காணப்படும். வெப்பச்சலனம் காரணமாக கேரளா, ஆந்திரா, தெலுங்கானா, கர்நாடகாவிலும் மழை பெய்ய வாய்ப்பு என்று வானிலை ஆய்வு மையம் கூறியுள்ளது. வங்க கடலில் ஏற்படும் பருவநிலையை பொருத்து, மழை பெய்யும் என்று அவர் கூறியுள்ளார்.