தமிழிசை மீது தாக்குதல் முயற்சி செய்த இளைஞர் கைது!

சிங்கப்பெருமாள்கோயிலில் பாஜக பொதுக் கூட்டத்தில் தமிழக பாஜக தலைவர் தமிழிசை மீது தாக்குதல் முயற்சி செய்த இளைஞர் கைது செய்யப்பட்டார். இந்த சம்பவம் பெரும் பரபரப்பை ஏற்படுத்தியுள்ளது. 

சிங்கப்பெருமாள்கோயிலில் பாஜக சார்பில் பொதுக் கூட்டம் நேற்று நடைபெற்றது. இக்கூட்டத்திற்கு தமிழக பாஜக தலைவர் தமிழிசை செளந்தரராஜன் தலைமை தாங்கினார். அப்போது அவர் எதிர்க்கட்சிகளை விமர்சனம் செய்து பேசி கொண்டிருந்த போது மேடை ஏறி வந்த இளைஞர் ஒருவர் தமிழிசையை தக்க முற்பட்டார்.  

இதையடுத்து அவரை கட்சியினர் தடுத்து நிறுத்தினர். மேலும் சம்பவ இடத்துக்கு வந்த போலீஸாரும் அவரை மடக்கி பிடித்தனர். இதையடுத்து அவர் மீது வழக்கு பதிவு செய்யப்பட்டது.

போலீஸார், அந்த இளைஞரை விசாரித்ததில் அந்த இளைஞர்  போதையில் இருந்தது தெரிய வந்தது. இதனையடுத்து போலீஸார் அந்த வாலிபரை கைது செய்தனர். இதனால் அக்கூட்டத்தில் பரபரப்பு ஏற்பட்டது.