Chennai Rain | எங்கெல்லாம் பெய்யும்! சென்னையை புரட்டி போட்ட மழை! மக்கள் கடும் அவதி

Tamil Nadu Rain Alert: சென்னையில் நண்பகலில் வெயில் வாட்டிய நிலையில், மாலையில் திடீரென மழை பொழிந்தது. இதன் காரணமாக இரவு வெளுத்து வாங்கிய கனமழையால் பல்வேறு இடங்களில் தண்ணீர் தேங்கி உள்ளது. தமிழகத்தின் பல்வேறு பகுதிகளில் செப்டம்பர் மாதம் தொடக்கத்திலிருந்து வெயில் வாட்டி வதைத்து வந்த நிலையில், கடந்த சில நாட்களாக வடதமிழகத்தில் வெயிலின் தாக்கம் சற்று குறைந்து இருந்தது. இந்த நிலையில், நேற்று மாலை முதல் சென்னையில் மழை பெய்யத் தொடங்கியது. இரவு நேரத்தில் கனமழை வெளுத்து வாங்கியது 

தமிழ்நாட்டில் தலைநகரம் சென்னை மட்டுமின்றி செங்கல்பட்டு ராணிப்பேட்டை சேலம் உள்ளிட்ட இடங்களில் மழை பெய்துள்ளது. புதுச்சேரியில் இடி மின்னலுடன் பலத்த மழை பெய்தது. காமராஜ் நகர், கடற்கரைச் சாலை, உப்பளம்,  முதலியார்ப்பேட்டை உள்ளிட்ட இடங்களில் மழை வெளுத்து வாங்கியது. பாதுகாப்பு கருதி மின்சாரம் பல்வேறு பகுதிகளில் துண்டிக்கப்பட்டது

பெரம்பூர் சுரங்கப் பாதையில் மழைநீர் நிரம்பியதால் போக்குவரத்து பாதிக்கப்பட்டு உள்ளது. அண்ணாநகர், அடையாறு, திருவான்மையூர், கிண்டி, சைதாப்பேட்டை, கோயம்புடு என நகர் முழுவதும் இரண்டு மணி நேரத்திற்கு மேலாக நீடித்த கனமழையால் சாலையில் முழங்கால் அளவுக்கு தண்ணீர் தேங்கியது. 

இதன் காரணமாக கடும் போக்குவரத்து நெரிசல் ஏற்பட்டதால் வாகன ஊட்டிகள் அவதி அடைந்தனர். கோயம்பேடு, வடபழனி சாலையில் இரண்டரை அடிக்கு மேல் தண்ணீர் தேங்கியதால் இருசக்கர வாகனங்கள் பழுதாகி நடுரோட்டில் நின்றன. 

பல்வேறு பகுதிகளில் 10 செ.மீக்கு மேல் மழை பெய்ததால், முக்கியமான சுரங்கப் பாதைகளில் தண்ணீர் தேங்கியது. துரைசாமி சுரங்கப்பாதை, நுங்கம்பாக்கம் மற்றும் ஸ்டான்லி மருத்துவமனை அருகில் உள்ள சுரங்கப்பாதைகளில் தண்ணீர் சூழ்ந்த நிலையில் சிறிது நேரத்தில் வெளியேற்றப்பட்டு விட்டதாக மாநகராட்சி நிர்வாகம் தரப்பில் தெரிவிக்கப்பட்டு உள்ளது. 

தென்மேற்கு பருவமழை இறுதி கட்டத்தை எட்டி இருக்கிறது. இந்த வாரத்துடன் தென்மேற்கு பருவமழை முடிந்து, வடகிழக்கு பருவமழைக்கான ஆரம்ப நிலை உருவாக இருக்கிறது. இந்த சூழல் வடமேற்கில் ஏற்பட்டிருக்கக்கூடிய காற்றழுத்த தாழ்வு காரணமாக அவ்வப்பபோது மழை பெய்து வருகிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!