கொடைக்கானல் வர இ-பாஸ் கட்டாயம்.. 13 இடங்களில் இ-பாஸ் சோதனை

கோவையில் இருந்து நீலகிரி செல்லக்கூடிய சாலையில் மேட்டுப்பாளையம் அருகே கல்லாறு தூரிப்பாலம் சோதனைச் சாவடியில் சோதனை நடந்தது. இதில் நீலகிரி மாவட்டத்திற்கு செல்லக்கூடிய வாகனங்கள் இ-பாஸ் பெற்று இருந்தால் மட்டுமே அனுமதிக்கப்பட்டன. இ- பாஸ் பெறாத வாகனங்களை நிறுத்தி, இ-பாஸ் பெறுவதற்கான வழிமுறைகளை சொல்லி, வருவாய் துறை அதிகாரிகளின் வழிகாட்டுதல் படி, இ_பாஸ் எடுத்த பின்னரே அனுமதிக்கின்றனர். 

இந்த இ-பாஸ்களில் மூன்று வகையான அடையாளக் கோடுகள் வழங்கப்பட்டுள்ளது. அதில் உள்ளூர் பகுதி பொதுமக்களுக்கு பச்சை நிற அடையாள கோடும் , வேளாண் விளைபொருட்களை கொண்டு செல்லக்கூடிய வாகனங்கள் மற்றும் அடிப்படை தேவை, சரக்கு வாகனங்களுக்கு நீல நிற அடையாளக்கோடும், சுற்றுலா மற்றும் வர்த்தக ரீதியான வாகனங்களுக்கு ஊதா நிற அடையாளக்கூடும் இந்த இ பாஸில் வழங்கப்பட்டு வருவது குறிப்பிடத்தக்கது.

இதனிடையே, நீலகிரி மாவட்ட கலெக்டர் அருணா, மேட்டுப்பாளையம் கல்லார் தூரி பாலம் அருகே அமைக்கப்பட்டுள்ள இ - பாஸ் சோதனை சாவடியினை நேற்று காலை பார்வையிட்டு ஆய்வு மேற்கொண்டார். 

பின் அவர் செய்தியாளர்களிடம் கூறியதாவது: 

நீலகிரி மாவட்டத்தில் அனைத்து செக் போஸ்ட்களிலும் ஆட்கள் நியமிக்கப்பட்டுள்ளது. இ- பாஸ் ஸ்கேன் செய்வதற்காகவே ஆட்கள் போடப்பட்டுள்ளனர். இ - பாஸ் குறித்து தெரியாமல் வருபவர்களுக்கு, அதை எப்படி பதிவு செய்வது என்பதை சொல்லிக் கொடுப்பதுடன், அதிகாரிகளே இ-பாஸ் எடுத்துக் கொடுக்கின்றனர். இதில் சந்தோஷமான விசியம் என்னவென்றால், சுற்றுலா பயணிகளிடம் நான் விசாரித்த போது, அனைவருக்கும் இந்த இ- பாஸ் எடுப்பது எளிமையாக இருந்ததாக தெரிவித்தனர். தற்போது வரை இ- பாஸ் நடைமுறையில் எந்த விதமான பிரச்சனையும் இல்லை. அனைத்து செக் போஸ்ட்களிலும் உதவி கலெக்டர் தலைமையிலான அதிகாரிகள் கண்காணிப்பு பணிக்கு போடப்பட்டுள்ளனர். இவ்வாறு அவர் கூறினார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!