PM Modi: மதியம் தெலங்கானா... மாலை தமிழகம்... இரவு கர்நாடகா - இன்றைய பயணம் ஓவர்!
PM Modi Chennai Visit live update: பிரமதர் மோடி சென்னையில் பல்வேறு திட்டங்களை தொடங்கிவைக்க உள்ள நிலையில், அதுகுறித்த உடனடி தகவலுக்கு இந்த பக்கத்தில் இணைந்திருக்கவும்.
PM Modi Chennai Visit Live Updates: பிரதமர் நரேந்திர மோடி பல்வேறு நிகழ்வுகளில் கலந்துகொள்ள இன்று சென்னை வந்தடைந்தார். பிரதமர் நரேந்திர மோடி இன்று சென்னை வருவதற்கு முன்னதாக, ஹைதராபாத்தில் சுமார் ரூ. 11 ஆயிரம் கோடி மதிப்பிலான திட்டங்களை தொடங்கிவைத்தார். மதியம் 1.35 மணிக்கு பெகும்பேட் விமான நிலையத்தில் இருந்து புறப்பட்டு, விமானப்படை விமானம் மூலம் சென்னை வந்தார்.
சென்னை விமான நிலையத்திற்கு வருகை தந்த பிரதமர் மோடியை வர தமிழ்நாடு ஆளுநர் ஆர்.என்.ரவி, தமிழ்நாடு முதலமைச்சர் மு.க. ஸ்டாலின், மத்திய அமைச்சர்கள், தமிழ்நாடு அமைச்சர்கள், நாடாளுமன்ற உறுப்பினர்கள் உள்ளிட்ட தலைவர்கள் பூங்கொத்து கொடுத்து வரவேற்றனர். சென்னை விமான நிலையத்தின் புதிய முனையத்தையும், சென்னை - கோவை இடையிலான வந்தே பாரத் ரயில் சேவையைும் பிரதமர் மோடி தொடங்கிவைத்தார்.
மேலும், சென்னை விவேகானந்தர் இல்லத்தில் நடைபெற்ற ஸ்ரீராமகிருஷ்ண மடத்தின் 125ஆவது ஆண்டுவிழாவில், தமிழ் மொழியையும், தமிழ் கலாச்சாரத்தையும் தான் நேசிப்பதாக பிரதமர் மோடி உரையாற்றினார். மேலும், திருக்குறளை பிரதமர் மோடி மேற்கொள் காட்டி பேசினார். உரையின் முடிவில் வணக்கம் கூறி நிறைவு செய்தார். தொடர்ந்து, பல்லாவரத்தில் நடைபெற்ற நலத்திட்டங்கள் தொடக்க விழாவிலும் பங்கேற்று உரையாற்றினார்.
பிரமதர் மோடி சென்னை பயணம் குறித்த உடனடி தகவலுக்கு இந்த பக்கத்தில் இணைந்திருக்கவும்.
Latest Updates
PM Modi: மீண்டும் மைசூர்
தொடர்ந்து T-23 புலியை பிடித்ததில் திறமையாக செயல்பட்ட மூன்று வேட்டை தடுப்பு காவலர்களை சந்திக்கிறார். இந்த நிகழ்ச்சிகளை முடித்த பின்னர் முதுமலை தெப்பக்காடு யானைகள் முகாமிலிருந்து மசனகுடிக்கு சாலைமார்க்கமாக வரும் பிரதமர் மோடி அங்கிருந்து ராணுவ ஹெலிகாப்டர் மூலம் மைசூர் செல்கிறார்.
PM Modi: யானைகளுக்கு உணவளிக்கிறார்
பின்னர் தேசிய புலிகள் காப்பகத்தில் சிறப்பாக பணியாற்றிய கள இயக்குனர்களுக்கு சான்றிதழ் வழங்குகிறார். மேலும் முதுமலை புலிகள் காப்பகத்தில் உள்ள மூத்த மூன்று யானை பாகன்களை சந்திக்கிறார். அதனை தொடர்ந்து யானைகளுக்கு வழங்கப்படும் உணவை பார்வையிட்டு, இரண்டு யானைகளுக்கும் உணவளிக்கிறார்.
PM Modi: பொம்மன் - பெல்லி உடன் சந்திப்பு
நாளை (ஏப். 9) காலை 7 மணிக்கு, மைசூரில் இருந்து பந்திப்பூர் புலிகள் சரணாலயத்திற்கு வரும் பிரதமர் மோடி அங்கு வனப்பகுதிக்குள் வாகன சவாரி செல்கிறார். அதனைத் தொடர்ந்து காலை 9.35 மணிக்கு முதுமலை தெப்பக்காடு யானைகள் முகாமிற்கு பிரதமர் மோடி வருகை தருகிறார்.
ஆஸ்கார் விருது வென்ற "தி எலிபெண்ட் விஸ்பரர்ஸ்" ஆவணப்படத்தில் தோன்றிய ரகு, பொம்மி என்ற இரு யானைகளை பார்வையிடுகிறார். ரகு, பொம்மி ஆகிய யானைகளை கவனித்துக்கொண்ட பொம்மன் - பெல்லி தம்பதிகளை சந்தித்து கௌரவப்படுத்த உள்ளார்.
PM Modi Live: மைசூரில் பிரதமர் மோடி
தமிழ்நாட்டில் பல்வேறு நலத்திட்டங்கள், சேவைகளை தொடங்கிவைத்த பிரதமர் மோடி, சென்னை விமான நிலையத்தில் இருந்து மைசூர் சென்றார். மதியம் 2.45 மணியளவில் சென்னை வந்த பிரதமர் மோடி சுமார் எழு மணிநேரத்தில், நகரில் பல்வேறு நிகழ்வுகளில் பங்கேற்றார்.
PM Modi Chennai Visit: ஓபிஎஸ், இபிஎஸ் ஆகியோர் சந்திக்காத பிரதமர்
பிரதமர் மோடியை சந்திக்க அதிமுக பொதுச்செயலாளரும், எதிர்க்கட்சித் தலைவருமான எடப்பாடி பழனிசாமி, முன்னாள் முதலமைச்சர் ஓ. பன்னீர்செல்வம் ஆகியோர் தனித்தனியாக சந்திக்க நேரம் கோரியிருந்தனர். இந்நிலையில், இருவரையும் பிரதமர் மோடி தனியாக சந்திக்கவில்லை என தகவல் வெளியாகியுள்ளது.
PM Modi Chennai Visit: உரையை முடித்த பிரதமர்
தமிழ்நாடு வளரும்போது, இந்தியாவும் வளரும் என கூறி பிரதமர் மோடி பல்லாவரத்தில் தனது உரையை நிறைவுசெய்தார்.
PM Modi Chennai Visit: பிரதமர் உரை
ரூ. 5,200 கோடி மதிப்பிலான சாலை மற்றும் ரயில் திட்டங்களை பிரதமர் மோடி தொடங்கிவைத்தார். அதைத் தொடர்ந்து, அவர் நிகழ்வில் உரையாற்றி வருகிறார். முன்னதாக, முதலமைச்சர் ஸ்டாலின் உரையாற்றினார்.
PM Modi Chennai Visit: ரூ. 5,200 கோடி மதிப்பிலான நலத்திட்டங்கள்
சென்னை அல்ஸ்டாம் கிரிக்கெட் மைதானத்தில் நடைபெறும் பொதுக்கூட்டத்தில் பிரதமர் நரேந்திர மோடி பங்கேற்கிறார். இதில், ரூ. 5,200 கோடி மதிப்பிலான நலத்திட்டங்களை தொடங்கிவைக்கிறார்.
PM Modi Chennai Visit: பெரியார் vs மோடி
சென்னை பல்லாவரத்தில் உள்ள கிரிக்கெட் மைதானம் ஒன்றில் நடைபெறும் பொதுக்கூட்டத்தில் பிரதமர் மோடி பங்கேற்கிறார். தற்போது அங்கு பாஜக மூத்த தலைவர் ஹெச்.ராஜா விழா மேடை அருகே வந்தபோது, திமுக தொண்டர்கள் 'பெரியார், பெரியார்' என கோஷம் எழுப்பினர். அதை தொடர்ந்து, பாஜக தொண்டர்கள் 'மோடி, மோடி' என கோஷம் எழுப்பி வருவதாக தகவல் வெளியாகியுள்ளது.
PM Modi Chennai Visit: வணக்கம் கூறி நிறைவு செய்த பிரதமர்
சென்னை விவேகானந்தர் இல்லத்தில் நடைபெற்ற ஸ்ரீராமகிருஷ்ண மடத்தின் 125ஆவது ஆண்டுவிழாவில், பிரதமர் மோடி பங்கேற்று உரையாற்றினார். உரையின் தொடக்கத்தில் திருக்குறள் கூறிய பிரதமர், உரையின் முடிவில் வணக்கம் கூறி நிறைவுசெய்தார்.
PM Modi Chennai Visit: 'தமிழ் மொழியை நேசிக்கிறேன்'
"தமிழ் மொழி, தமிழ் கலாசாரத்தை நேசிக்கிறேன். காசிக்கும் தமிழ்நாட்டிற்கும் இடையே உள்ள பிணைப்பை காசி தமிழ் சங்கம் உணர்த்தியது. பெண்கள் முன்னேற்றத்தை விவேகானந்தார் வலியுறுத்தினார். அவரது நோக்கத்தை அரசு முன்னெடுத்து செல்கிறது" என விவேகானந்தர் இல்லத்தில் நடைபெற்ற ஸ்ரீராமகிருஷ்ண மடத்தின் 125ஆவது ஆண்டுவிழா நிகழ்வில் அவர் பேசினார்.
PM Modi Chennai Visit: முதலமைச்சர் ட்வீட்
PM Modi Chennai Visit Live: விவேகானந்தர் இல்லம் நோக்கி பிரதமர்
சென்னை சென்ட்ரல் ரயில் நிலையத்தில் வந்தே பாரத் ரயில் சேவை தொடங்கிவைத்த பின், தற்போது அவர் மெரினா சாலையில் விவேகானந்தர் இல்லத்திற்கு புறப்பட்டார். காமராஜர் சாலை வழியாக காரில் செல்லும் பிரதமர் மோடி, அங்கு நடைபெறும் ஸ்ரீராமகிருஷ்ண பரமஹம்சரின் 125ஆம் ஆண்டு விழா நிகழ்வில் பங்கேற்கிறார்.
PM Modi Chennai Visit Live: சென்னை - கோவை வந்தே பாரத்
சென்னை - கோவை இடையேயான தூரத்தை இந்த வந்தே பாரத் ரயில், 5 மணி நேரம் 50 நிமிடங்களில் ரயில் கடந்து செல்லும். 8 பெட்டிகளுடன் கூடிய வந்தே பாரத் பயில் சராசரியாக 110 கி.மீ. வேகத்தில் இயக்க திட்டம். இதன் சேவையைதான் தற்போது பிரதமர் மோடி தொடங்கிவைத்தார்.
PM Modi: வந்தே பாரத் ரயிலை தொடங்கிவைத்தார் பிரதமர்
சென்னை - கோவை வழித்தடத்திற்கான வந்தே பாரத் ரயில் சேவையை பிரதமர் மோடி தொடங்கிவைத்தார். சென்னை சென்ட்ரல் ரயில் நிலையத்தில் இருந்து வந்தே பாரத் ரயில் கோவை நோக்கி புறப்பட்டது.
PM Modi Chennai Visit Live: அருகருகே அமர்ந்த முதலமைச்சர் - ஆளுநர்
சென்னை சென்ட்ரல் ரயில் நிலையத்தில் பிரதமர் மோடி பேட்டரி காரில் சென்றார். மேலும், அந்த பேட்டரி காரில் பிரதமர் மோடி முன்னே அமர்ந்து செல்ல, பின் இருக்கையில் முதலமைச்சர் ஸ்டாலின், ஆளுநர் ஆர்.என். ரவி ஆகியோர் அமர்ந்து சென்றனர்.
PM Modi Chennai Visit: சென்ட்ரல் வந்தடைந்தார் பிரதமர்
சென்னை - கோவை வழித்தடத்திற்கான வந்தே பாரத் ரயில் சேவையை தொடங்கிவைக்க பிரதமர் மோடி தற்போது சென்னை சென்ட்ரல் ரயில் நிலையத்திற்கு வந்தடைந்தார்.
PM Modi Chennai Visit: சென்ட்ரல் நோக்கி பிரதமர் மோடி
சென்னை விமான நிலையத்தில் இருந்து அடையார் ஐஎன்எஸ் விமானத்திற்கு ஹெலிகாப்டர் மூலம் பிரதமர் மோடி வந்தடைந்தார். அங்கிருந்து சாலை மார்க்கமாக காரில் சென்ட்ரில் நோக்கி பிரதமர் சென்றுகொண்டிருக்கிறார். சாலையில் இருமருங்கிலும் பாஜக தொண்டர்கள் வரவேற்பு அளிக்கின்றனர்.
PM Modi Chennai Visit: பிரதமருக்கு புத்தகத்தை பரிசளித்த முதலமைச்சர்
சென்னை விமான நிலையத்தில் பிரதமர் மோடியை வரவேற்றபோது, முதலமைச்சர் ஸ்டாலின் 'தமிழ்நாட்டில் காந்தியின் பயணம்' (Gandhi's Travel in Chennai) என்ற புத்தக்கத்தை பரிசளித்தார்.
PM Modi Chennai Visit: ஹெலிகாப்டரில் புறப்பட்டார் பிரதமர்
பிரதமர் நரேந்திர மோடி சென்னை விமான நிலையத்தில் இருந்து ஹெலிகாப்டர் மூலம் ஐஎன்எஸ் அடையார் விமானத்தளத்திற்கு சென்றார்.
PM Modi Chennai Visit: புதிய முனையத்தில் இருந்து புறப்பட்டார் பிரதமர்
சென்னை விமான நிலையத்தின் புதிய முனையத்தை திறந்துவைத்த பின், தற்போது அடுத்த நிகழ்வுக்காக புறப்பட்டார். அவர் சென்னை விமான நிலையத்தில் இருந்து MI-17 ராணுவ ஹெலிகாப்டர் ஐஎன்எஸ் அடையார் விமான தளத்திற்கு செல்கிறார்.
PM Modi Chennai Visit Live: புதிய விமான முனையம் திறப்பு
சென்னை விமான நிலையத்தில் ரூ.1,260 கோடி மதிப்பில் 1.36 லட்சம் சதுர மீட்டரில் புதிய ஒருங்கிணைந்த முனைய கட்டடத்தை பிரதமர் மோடி திறந்துவைத்தார்.
PM Modi Chennai Visit: பிரதமருக்கு மோடிக்கு எதிர்ப்பு
பிரதமர் மோடி தமிழகம் வருகை தந்திருக்கிறார் அதே நேரத்தில் மற்றொருபுறம் அவருக்கு எதிராக Go Back Modi எனும் வாசகம் ட்விட்டரில் டிரெண்டிங்கில் உள்ளது. அதே போல காங்கிரஸ் கட்சியினர் ஆங்காங்கே ஆர்ப்பாட்டத்தில் ஈடுபட்டு வருகின்றனர்
PM Modi Chennai Visit: புதிய முனையத்தில் பிரதமர் மோடி
சென்னை புதிய விமான நிலையத்தின் புதிய முனையத்திற்கு வந்தடைந்தார் பிரதமர் மோடி. அவருடன் ஆளுநர் ஆர்.என். ரவி, தமிழ்நாடு முதலமைச்சர் மு.க. ஸ்டாலின், மத்திய விமான போக்குவரத்து துறை அமைச்சர் ஜோதிராதித்ய சிந்தியா, மத்திய இணை அமைச்சர் எல்.முருகன் ஆகியோருக்கு புதிய முனையத்தின் சிறப்பு அம்சங்கள் குறித்து அதிகாரிகள் விவரித்து வருகின்றனர். மேலும், புதிய முனையத்தை அவர்கள் பார்வையிட்டு வருகின்றனர்.
PM Modi Chennai Visit: பிரதமர் மோடி ட்வீட்
பிரதமர் மோடியை வரவேற்ற முதலமைச்சர் மு.க. ஸ்டாலின்
PM Modi Chennai Visit: புதிய முனையத்திற்கு புறப்பட்டார் பிரதமர்
விமான இறங்குதலத்தில் இருந்து சாலை மார்க்கமாக சென்னை விமானத்தின் புதிய முனையத்திற்கு புறப்பட்டார், பிரதமர் மோடி. சென்னை விமான நிலையத்தில் ரூ.1,260 கோடி மதிப்பில் 1.36 லட்சம் சதுர மீட்டரில் புதிய ஒருங்கிணைந்த முனைய கட்டடம் கட்டப்பட்டுள்ளது.
PM Modi Chennai Visit: பிரதமர் மோடிக்கு வரவேற்பு
சென்னை வந்தடைந்த பிரதமர் மோடிக்கு விமான நிலையத்தில் தமிழ்நாடு ஆளுநர் ஆர்.என். ரவி, முதலமைச்சர் மு.க ஸ்டாலின், மத்திய இணை அமைச்சர் எல். முருகன், தமிழ்நாடு அமைச்சர்கள் எ.வ. வேலு, தங்கம் தென்னரசு, உதயநிதி ஸ்டாலின், எதிர்க்கட்சித் தலைவர் எடப்பாடி பழனிச்சாமி, முன்னாள் முதலமைச்சர் ஓ. பன்னீர்செல்வம், மக்களவை உறுப்பினர் கனிமொழி, தமிழ்நாடு டிஜிபி சைலேந்திரபாபு ஆகியோர் பூங்கொத்துக்கு கொடுத்து வரவேற்றனர்
PM Modi Chennai Visit Live: வந்தடைந்தார் பிரதமர்
ஹைதராபாத்தில் இருந்து விமானப்படை தனி விமானம் மூலம் சென்னை விமான நிலையத்திற்கு பிரதமர் மோடி மதியம் 2.42 மணியளவில் வருகை புரிந்தார்.
PM Modi Chennai Visit: ஓபிஎஸ் வருகை
எடப்பாடி பழனிசாமி பிரதமரை வரவேற்க விமான நிலையம் வந்துள்ள நிலையில், ஓ.பன்னீர்செல்வமும் விமான நிலையத்திற்கு வந்தடைந்தார்.
PM Modi Chennai Visit: தலைவர்கள் வருகை
திமுக எம்.பி., கனிமொழி, தாமாக தலைவர் ஜி.கே. வாசன், அமைச்சர்கள் கே.என். நேரு, உதயநிதி ஸ்டாலின், எ.வ. வேலு உள்ளிட்டோர் சென்னை விமான நிலையத்திற்கு வருகை தந்தனர்.
PM Modi Chennai Visit: இபிஎஸ் வருகை
தமிழ்நாடு எதிர்க்கட்சித் தலைவர் எடப்பாடி பழனிச்சாமி, அதிமுக மூத்த நிர்வாகிகளுடன் பிரதமர் மோடியை வரவேற்க சென்னை விமான நிலையத்திற்கு வருகை தந்தார்.
PM Modi Chennai Visit: ஆளுநர் வருகை
பிரதமர் மோடியை வரவேற்க ஆளுநர் ஆர்.என். ரவி சென்னை விமான நிலையத்திற்கு வருகை புரிந்தார்.
PM Modi Chennai Visit: முதல்வர் ஸ்டாலின் வருகை
பிரதமர் மோடியை வரவேற்க முதலமைச்சர் ஸ்டாலின் சென்னை விமான நிலையத்திற்கு வந்தடைந்தார்.
PM Modi Chennai Visit: பரபரப்பான அரசியல் சூழல்
தமிழ்நாடு முதலமைச்சர் மு.க. ஸ்டாலின் - ஆளுநர் ஆர்.என். ரவி ஆகியோருக்கு இடையே கருத்து மோதல் உள்ள இந்த சூழலில், பிரதமர் மோடியின் வருகை அரசியல் சூழலிலும் பெரும் பரபரப்பை ஏற்படுத்தியுள்ளது.