திமுக தலைவர் மு.க. ஸ்டாலினுக்கு பிரதமர் நரேந்திர மோடி வாழ்த்து

தமிழகத்தில் கடந்த ஏப்ரல் 6 ஆம் தேதி ஒரே கட்டமாக சட்டமன்ற தேர்தல் வாக்குப்பதிவு நடைபெற்றது. இதற்கான வாக்கு எண்ணிக்கை இன்று காலை 8 மணிக்கு தொடங்கியது. 

தற்போதைய நிலவரப்படி, திமுக மற்றும் அதன் கூட்டணி கட்சிகள் 158 தொகுதிகளிலும், அதிமுக மற்றும் அதன் கூட்டணி கட்சிகள் 76 தொகுதிகளிலும் முன்னிலை வகிக்கிறது. வாக்கு எண்ணிக்கையின் முன்னணி நிலவரங்கள் அடிப்படையில் திமுக மீண்டும் ஆட்சி அமைக்கும் எனத் தெளிவாகத் தெரிகிறது. 

இந்நிலையில் பிரதமர் நரேந்திர மோடி, திமுக அமோக வெற்றி பெற்றுள்ளதற்கு தனது வாழ்த்துக்களை தெரிவித்துக் கொண்டுள்ளார். இது தொடர்பாக அவர் ட்வீட் ஒன்றை பதிவிட்டுள்ளார். 

மேலும், தேர்தல் வெற்றிக்காக பாடுப்பட்ட பாஜக தொண்டர்களுக்கும், தேசிய ஜனநாயக கூட்டணிக்கு வாக்களித்த மக்களுக்கும் அவர் தனது நன்றியை தெரிவித்துக் கொண்டுள்ளார். 

மேலும், கேரளாவில் வெற்றி பெற்று, ஆட்சியை தக்க வைத்துக் கொண்டுள்ள பினராயி விஜயன், மற்றும் மேற்கு வங்க முதலமைச்சர் மம்தா பேனர்ஜீ  அவர்களுக்கும் தனது வாழ்த்துக்களை தெரிவித்து கொண்டுள்ளார். 

தேசம், சர்வதேசம், கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR