சென்னையில் நாளை பா.ம.க. தேர்தல் சிறப்பு பொதுக்குழு!

பாட்டாளி மக்கள் கட்சியின் தேர்தல் சிறப்பு பொதுக்குழு கூட்டம் சென்னையில் நாளை ஞாயிற்றுக்கிழமை காலை 11.00 மணிக்கு நடைபெறவுள்ளது.

தமிழகத்தில் அடுத்த வருடம் சட்டசபை தேர்தல் நடைபெறவுள்ளது. இந்தநிலையில் தற்போது தமிழக ஆளுங்கட்சியான அதிமுகவில் கூட்டணி அமைத்திருக்கும் பாமக வரும் தேர்தலை அதிமுக கூட்டணியில் சந்திக்குமா என எதிர்பார்ப்பு கிளம்பியுள்ள நிலையில் அடுத்த மாதம் பொதுக்குழுவை கூட்டவுள்ளது. இதுகுறித்து வெளியிடப்பட்டுள்ள அறிக்கையில்., 

சென்னையில் வரும் மார்ச் ஒன்றாம் தேதி ஞாயிற்றுக்கிழமை காலை 10.00 மணிக்கு நடைபெறவுள்ளது.  சென்னை திருவேற்காட்டில் உள்ள ஜி.பி.என் பேலஸ் (GPN Palace)  திருமண அரங்கத்தில் பொதுக்குழு நடைபெறும். 

பாட்டாளி மக்கள் கட்சியின் நிறுவனர் மருத்துவர் அய்யா, பா.ம.க. இளைஞரணித் தலைவர் மருத்துவர் அன்புமணி இராமதாஸ் ஆகியோர் முன்னிலையில் நடைபெறும் சிறப்பு பொதுக்குழு கூட்டத்திற்கு கட்சித் தலைவர் ஜி.கே. மணி தலைமையேற்கிறார். 

கட்சியின் பொதுச்செயலாளர் வடிவேல் இராவணன்  பொருளாளர் திலகபாமா ஆகியோர் இக்கூட்டத்தில் பங்கேற்கின்றனர். இக்கூட்டத்தில் தமிழ்நாடு மற்றும் புதுச்சேரியில் உள்ள பா.ம.க. மாநில, மாவட்ட, ஒன்றிய, நகர, பேரூர் நிர்வாகிகளும், பா.ம.க.வின் பல்வேறு அணிகள், துணை அமைப்புகள் ஆகியவற்றின் அனைத்து நிலை நிர்வாகிகளும், சிறப்பு அழைப்பாளர்களும் பங்கேற்பர்.

 2021-ஆம் ஆண்டு தமிழ்நாடு சட்டப்பேரவைத் தேர்தல் பாட்டாளி மக்கள் கட்சிக்கு மிகவும் முக்கியமான தேர்தல் ஆகும். அந்தத் தேர்தலில் பாட்டாளி மக்கள் கட்சி வெற்றி பெறுவதற்கான உத்திகள் குறித்து இந்த சிறப்பு பொதுக்குழு கூட்டத்தில் விரிவாக விவாதிக்கப்படும்.