சென்னை: தமிழக பிளஸ் 2 தேர்வு முடிவுகள் இன்று வெளியிடப்பட்டன. 2021 ஆம் கல்வியாண்டில் பிளஸ் 2 படித்த மாணவர்களுக்கான தேர்வு முடிவுகளை தமிழக பள்ளி கல்வித் துறை இன்று வெளியிட்டது. 


COMMERCIAL BREAK
SCROLL TO CONTINUE READING

இதைத் தொடர்ந்து தமிழக பள்ளி கல்வித் துறை அமைச்சர் அன்பில் மகேஷ் பொய்யாமொழி (Anbil Mahesh Poyyamozhi) அவர்கள் செய்தியாளர்களை சந்தித்தார். இன்று வெளியிடப்பட்ட பிளஸ் 2 வகுப்பு முடிவுகளைப் பற்றிய விரிவான தகவல்களை வெளியிட்டதோடு அவர் செய்தியாளர்களின் கேள்விகளுக்கும் பதிலளித்தார்.


பள்ளிக்கல்வித் துறை அமைச்சர் அளித்த விவரங்களில் சில முக்கிய அம்சங்கள் பின்வருமாறு:


- 12 ஆம் வகுப்பு பொதுத்தேர்வில் 8,16,473 மாணவர்கள் தேர்ச்சி பெற்றுள்ளனர் என்று அன்பில் மகேஷ் பொய்யாமொழி கூறினார்.  
+2 பொதுத்தேர்வில் தேர்ச்சி பெற்ற மாணவர்கள் எண்ணிக்கை : 3,80,500
+2 பொதுத்தேர்வில் தேர்ச்சி பெற்ற மாணவியர் எண்ணிக்கை : 4,35,973
பொதுப்பாடப்பிரிவில் தேர்ச்சி பெற்ற மாணவர்களின் எண்ணிக்கை: 7,64,593 
தொழிற்பாடப்பிரிவில் தேர்ச்சி பெற்ற மாணவர்களின் எண்ணிக்கை : 51,880
தேர்ச்சி பெற்றவர்கள் : 100%


- இன்று வெளியாகியுள்ள 2 தேர்வு முடிவுகள் மாணவர்களின் பதிவு செய்யப்பட்ட கைப்பேசிக்கு குறுஞ்செய்தி மூலம் அனுப்பி வைக்கப்படும் என்று கூறினார் அமைச்சர். 


- மாணவர்கள் ஜூலை 22ம் தேதி முதல் மதிப்பெண் சான்றிதழ்களை பதிவிறக்கம் செய்து கொள்ளலாம் என அமைச்சர் கூறியுள்ளார்.


- இந்த ஆண்டு பிளஸ் 2 பொதுத்தேர்வில் யாரும் 600/600 மதிப்பெண் எடுக்கவில்லை. 


- தற்போது வெளியிடப்பட்டுள்ள மதிப்பெண்ணில் திருப்தி இல்லாத மாணவர்கள் தெர்வு எழுத வருகிற 22ம் தேதிக்குள் விண்ணப்பிக்கலாம் என அமைச்சர் அன்பில் மகேஷ் கூறியுள்ளார். 


இன்று காலை 11 மணி பிளஸ் 2 தேர்வு முடிவுகள் வெளியிடப்படும் என தமிழ்நாடு அரசு அறிவித்திருந்த நிலையில், இன்று காலை பள்ளிகல்வித்துறை இன்று தேர்வு முடிவுக்ளை வெளியிட்டது. 


கடந்த மே மாதம் பிளஸ்-2 (12th Exam Results) பொதுத்தேர்வு நடைபெற இருந்தது. ஆனால் கொரோனா தொற்று அச்சம் காரணமாக பிளஸ் 2 தேர்வு ரத்து செய்யப்பட்டது. மேலும் , மாணவர்கள் அனைவரும் தேர்ச்சி எனவும் தமிழக அரசு (TN Govt)  அறிவித்தது.


மதிப்பெண் வழங்குவதற்கான நெறிமுறைகள் அளிக்கப்பட்டு அதன் அடிப்படையில் மதிப்பெண் தயாரிக்கும் பணிகள் நிறைவு பெற்றதால் இன்று காலை 11 மணிக்கு பிளஸ் 2 தேர்வு முடிவுகள் வெளியாகியுள்ளன.  


ALSO READ: TN HSC 2021 பிளஸ் 2 தேர்வு முடிவுகள் அறிவிக்கப்பட்டன: ரிசல்ட் பார்ப்பது எப்படி


தேர்வு மதிபெண்களை எந்த இணையத்தில் பார்ப்பது
1. www.tnresults.nic.in 
2.www.dge1.tn.nic.in 
3. www.dge2.tn.nic.in 
4. www.dge.tn.gov.in


மாணவர்கள், பள்ளிகளில் சமர்ப்பித்த உறுதிமொழிப்படிவத்தில் குறிப்பிட்டுள்ள கைபேசி எண்ணுக்கு குறுஞ்செய்தியாகவும் தேர்வு முடிவு அனுப்பி வைக்கப்படும்.


மதிப்பெண் கணக்கீடு முறை
* எஸ்எஸ்எல்சி வகுப்பு மதிப்பெண்ணில் 50%, 11 ஆம் வகுப்பு மதிப்பெண் 20% மற்றும் 12 ஆம் வகுப்பு செய்முறை தேர்வு 30% எடுத்துக்கொள்ளப்படும் என கூறப்பட்டுள்ளது.
* 11 ஆம் வகுப்பில் தேர்வை எழுதாத மாணவர்களுக்கும், தோல்வியுற்ற மாணவர்களுக்கும் அந்த தேர்வுகளில் 35 மதிப்பெண்கள் வழங்கப்படும். 
* 12 ஆம் வகுப்பு தேர்வில் ஒவ்வொரு பாடத்திலும் செய்முறைத் தேர்வு 20, அக மதிப்பீடு 10 என 30% கணக்கிடப்படும்.


முன்னதாக ஜூலை 31 ஆம் தேதிக்குள் பிளஸ் 2 மதிப்பெண் குறித்து விவரங்கள் வெளியிடப்படும் என கூறப்பட்டிருந்த நிலையில், தற்போது ஜூலை 19 ஆம் தேதி காலை 11 மணிக்கு பிளஸ் 2 தேர்வு முடிவுகள் வெளியிடப்படும் என தமிழக பள்ளிக்கல்வித்துறை (TN School) அறிவித்துள்ளது.


ALSO READ | தனியார் பள்ளிகள் 75% கல்விக் கட்டணத்தை மட்டும் வசூலிக்க வேண்டும்: அரசு உத்தரவு


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.


முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, ஜீ இந்துஸ்தான் செயலியை பதிவிறக்குங்கள்.


Android Link: https://bit.ly/3hDyh4G


Apple Link: https://apple.co/3loQYeR