Realme-ன் புதிய பிராண்ட் தூதராக நியமிக்கப்பட்டார் சல்மான் கான்...

சீன ஸ்மார்ட்போன் தயாரிப்பாளர் Realme புதன்கிழமை பாலிவுட் சூப்பர் ஸ்டார் சல்மான் கானை தனது பிராண்ட் தூதராக நியமித்தது.

பிராண்டின் வரவிருக்கும் Realme 6 மற்றும் Realme 6 Pro சாதனங்களுக்கு நடிகர் பிராண்ட் தூதராக செயல்படுவார் என எதிர்பார்க்கப்படுகிறது.

"சல்மான் கான் இந்தியாவின் பல்வேறு பிராந்தியங்கள் மற்றும் மக்கள்தொகை சுயவிவரங்களில் ஒரு பெரிய முறையீட்டைப் பெறுகிறார் என்பதே எங்களுக்கு சிறந்த தேர்வாக அமைகிறது. இது எங்கள் பிராண்டின் தனித்துவமான விற்பனை முன்மொழிவுகளில் ஒன்றாகும், இது அதிநவீன தொழில்நுட்பம், வேடிக்கையானது , அனைவருக்கும் எட்டக்கூடிய மற்றும் அனைத்து விலைப் பிரிவுகளிலும் ஸ்டைலான, தரத்தால் இயங்கும் தயாரிப்புகள் வழங்கக்கூடியது. சல்மான் கானை ஒரு மகத்தான ரசிகர்கள் கூட்டம் பின்தொடர்வது எங்கள் இலக்கு பார்வையாளர்களை அடையவும் உதவும்" என்று Realme துணைத் தலைவர் மாதவ் ஷெத் மற்றும் Realme இந்தியாவின் தலைமை நிர்வாக அதிகாரி ஒரு அறிக்கையில் தெரிவித்துள்ளார்.

நடிகர் ஒரு ஸ்மார்ட்போன் பிராண்டில் பணிபுரிவது இதுவே முதல் முறை என்பதை கவனத்தில் கொள்ள வேண்டும்.

இந்த கூட்டாண்மை குறித்து சல்மான் கான் குறிப்பிடுகையில்., "உலகின் மிக வேகமாக வளர்ந்து வரும் ஸ்மார்ட்போன் பிராண்டின் முகமாக இருப்பதில் நான் மகிழ்ச்சியடைகிறேன். Realme 6 தொடர் ஸ்டைலானது மற்றும் சுவாரசியமானது மேலும் இது நுகர்வோருக்கு சாதகமாக இருக்கும் என்று நான் நம்புகிறேன்." என்று குறிப்பிட்டுள்ளார்.

Realme 6 என்பது பட்ஜெட் ஸ்மார்ட்போன் ஆகும், இது நிறைய அம்சங்களுடன் வருகிறது. இந்த வரம்பைச் சுற்றியுள்ள சிறந்த கைபேசிகளில் ஒன்றாக இருந்தாலும், இது சந்தையில் சிறந்த போட்டியாளர்களைக் கொண்டுள்ளது. இருப்பினும், ஸ்மார்ட்போன் பேட்டரி காப்பு மற்றும் கேமரா தரத்தைப் பொறுத்தவரை சிறந்த போட்டியாளராக இருக்க முடியும் என கணிக்கப்படுகிறது. 

இந்தியாவில் Realme 6 விலை ரூ.10.999-ஆக இருக்கலாம் என எதிர்பார்க்கப்படுகிறது. பெரும் எதிர்பார்ப்பை தூண்டியுள்ள இந்த Realme 6 மார்ச் 05, 2020 அன்று அறிமுகப்படுத்தப்படும் என்று எதிர்பார்க்கப்படுகிறது. இது Realme 6-ன் 4GB ROM/ 64 GB உள்நினைவகம் பேஸ் மாறுபாடு கொண்டு வெளியாகும். மேலும் இது கருப்பு, தங்க நிறத்தில் கிடைக்கும் என்றும் எதிர்பார்க்கப்படுகிறது.