Call Forwarding Scam: இந்த காலகட்டத்தில் தொழில்நுட்ப வளர்ச்சியால் மக்களுக்கு பல்வேறு வகையில் நன்மைகள் விழைந்துவரும் நிலையில், டீப்பேக் தொழில்நுட்பத்தின் மூலம் உருவாகும் போலி வீடியோ, புகைப்படம் மற்றும் ஆன்லைன் மோசடிகள் மக்களுக்கு கடுமையான பாதிப்பையும் ஏற்படுத்துகின்றன. 


COMMERCIAL BREAK
SCROLL TO CONTINUE READING

சமீப காலங்களில் அதிகரித்து வரும் ஆன்லைன் மோசடிகளை தடுக்க சைபர் பாதுகாப்பு வல்லுநர்களும் கடுமையான நடவடிக்கைகளை எடுத்து வருகின்றனர். இருப்பினும், சைபர் குற்ற தடுப்பு அதிகாரிகளின் நடவடிக்கைகளையும் தாண்டி புது புது யுக்திகளில் ஆன்லைன் மோசடிகளை மோசடிக்காரர்கள் செய்கின்றனர். போலி வங்கி அதிகாரிகள், போலி தொலைத்தொடர்பு நிறுவன ஆபரேட்டர்கள், போலி மின்சார வாரிய அதிகாரிகள் என பல வேடங்களில் மக்களின் பணத்தை சூறையாட வழிகளை வைத்துள்ளனர். 


அந்த வகையில் தற்போது சைபர் குற்றவாளிகள் USSD (Unstructured Supplementary Service Data) குறியீட்டை மொபைல்களில் டைப் செய்ய வைத்து, அதன் மூலம் மக்களின் பணத்தை திருடுகின்றனர். மக்கள் USSD குறியீட்டை தங்களின் மொபைல்களில் டைப் செய்வதன் மூலம், மோசடிக்காரர்கள் அந்த குறிப்பிட்ட மொபைலுக்கு வரும் அழைப்புகளை அவர்களின் எண்ணுக்கு ஃபார்வட் செய்கின்றனர். அதுமட்டுமின்றி, அதில் இருந்து பெறப்படும் OTP மூலமும் மோசடியை மேற்கொள்கின்றனர்.


மேலும் படிக்க | மொபைல் தொலைந்தாலும் சிம்மை தூக்கிப்போட முடியாது... இந்த ஆப்ஷனை பயன்படுத்துங்கள்!


சிம் ஸ்வாப் மோசடி வழக்குகள் அதிகரித்து வருவதைக் கருத்தில் கொண்டு, புதிய சிம் கார்டுகள் வழங்கப்படும் போது தொலைத்தொடர்பு நிறுவனங்களுக்கு உள்வரும் மற்றும் வெளிச்செல்லும் எஸ்எம்எஸ் மற்றும் அழைப்புகளுக்கு 24 மணிநேர தடையை TRAI விதித்துள்ளது. இதைக் கருத்தில் கொண்டு, சைபர் குற்றவாளிகள் இப்போது மொபைல் கால்கள் மூலமும் மோசடிகளை செய்கிறார்கள்.


இதில், மோசடி செய்பவர்களிடமிருந்து, டெலிவரி ஏஜென்ட்கள் அல்லது வேறு ஏதேனும் சேவை முகவர்களாக கூறிக்கொண்டு USSD குறியீட்டைத் தொடர்ந்து மொபைல் எண்ணை டைப் செய்து கால் பட்டணை அழுத்தும்படி மக்கள் ஒரு போலி அழைப்பைப் பெறுகிறார்கள். இதைச் செய்வதன் மூலம், பயனரின் மொபைலின் எஸ்எம்எஸ் மற்றும் அழைப்புகள் சைபர் கிரிமினல் கொடுத்த எண்ணுக்கு அணுகலைப் பெறுகின்றன. அப்போது குற்றவாளிகள் மக்களின் வங்கிக் கணக்கிற்கே அணுகலை பெறுகின்றனர் எனலாம்.


இந்த எண்ணை எப்போதும் டயல் செய்ய வேண்டாம்


சைபர் குற்றவாளிகள் மக்களுக்கு அவர்களின் எண்ணைத் தொடர்ந்து *401* என்ற நம்பரையும் கொடுத்து, டயல் பட்டனை அழுத்தச் சொல்லுவார்கள். இந்த USSD குறியீடு அழைப்பு பகிர்தலை (Call Forwarding) செய்வதற்கான ஒரு குறுக்குவழி வழியாகும். இதன் மூலம், பயனர்கள் தங்கள் எண்ணுக்கு வரும் அழைப்புகள் மற்றும் குறுஞ்செய்திகளை வேறு எந்த எண்ணுக்கும் அனுப்பலாம்.


எப்படி தப்பிப்பது?


அழைப்பு பகிர்தலுக்கு USSD குறியீடுகள் இருப்பதைப் போலவே, அழைப்பு பகிர்தலை சரிபார்க்கவும் USSD குறியீடுகளும் உள்ளன. பயனர்கள் தங்கள் தொலைபேசியில் *#21# என தட்டச்சு செய்வதன் மூலம் அழைப்பு பகிர்தலின் நிலையைச் சரிபார்க்கலாம். அதே நேரத்தில், *#62# ஐ டயல் செய்வதன் மூலம், பயனர்கள் தங்கள் அழைப்பு பகிர்தலை சரிபார்க்க முடியும். எல்லா அழைப்பு பகிர்தலையும் அகற்ற, பயனர்கள் தங்கள் மொபைலில் ##002# டயல் செய்யலாம். இதன் மூலம், அவர்களின் எண்ணுக்கு வரும் அழைப்புகள் மற்றும் செய்திகள் வேறு எங்கும் அனுப்பப்படாது.


மேலும் படிக்க | Cyber Insurance: இணைய மோசடியில் இருந்து உங்கள் பணத்தை பாதுக்காக்கும் ‘சைபர் காப்பீடு’..!
 


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


வாட்ஸ்-அப் - https://whatsapp.com/channel/0029Va5XFvI90x2plF9cKY1r


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ